ÉXODO 11:8 - Dios Rimashcata Quillcashcami

⁸ Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

ÉXODO 11:8 Iomraidhean Croise

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

2 REYES 3:9

Israel llactata jatun mandacpish, Judá llactata jatun mandacpish, Edom llactata jatun mandacpish rishpaca, canchis punzhatami shitashca pambata muyushpa rirca. Chaimantami yacuca soldadocunamanpish, caballocunamanpish ña tucurirca.

NEHEMÍAS 5:6

Ñucaca paicuna chashna nicta uyashpaca yallitami piñarircani.

SALMOS 6:1

Mandac Dioslla, ama piñarishpa rimaichuyari. Ama piñarishpa yallita llaquichichuyari.

ÉXODO 10:29

Shina nicpimi Moisesca: —Allitami nishcangui. Cunanmanta quipaca cambac ñahuitaca manatac ricushachu— nirca.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

DANIEL 3:19

Shina nicpimi, Sadrac-huan, Misac-huan, Abed-negohuan yallita piñarishpa ñahui shuctaclaya tucurca. Chaimantami hornotaca canchis cutinhuan yalli rupacyachichun mandarca.

NÚMEROS 12:3

Moisesca tucui cai pachapi causac runacunamanta yalli humildemi carca.

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

DEUTERONOMIO 29:24

Chaita tucui llactacunapi causaccuna tapushpaca: “¿Imamantatac Mandac Diosca cai llactataca cashna ruhuarca? ¿Imamantatac Diosca nina japiric shina piñarirca?” ningami.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

HEBREOS 11:27

Crishcamantami Moisesca jatun mandac Faraón piñarinatapish mana manchashpa, Egipto llactamanta llucshirca. Pipish mana ricushca Diosta ricuc shinami llucshirca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

JUECES 4:10

Shina rishpami Baracca Zabulonpac aillumantapish, Neftalipac aillumantapish chunga huaranga macanacuc runacunata Cedespi tandachirca. Deborapish paihuanmi rirca.

JUECES 8:5

Shina chayashpami, Sucot pueblopi causaccunataca: —Ñucahuan cac gentecunaca shaicushcami. Chaimanta asha tandata caraichic. Ñucanchicca madianitacunata mandac Zeba, Zalmunatami caticunchic— nirca.