ÉXODO 10:9 - Dios Rimashcata Quillcashcami

⁹ Shina nicpimi Moisesca: —Ñucanchic Mandac Diosta cushichina jatun fiesta cashcamantaca huahuacunandi, yuyaccunandi, churicunandi, ushicunandimi rina canchic. Shinallatac ovejacunatapish, vacacunatapish tucuimi apana canchic— nirca.

ÉXODO 10:9 Iomraidhean Croise

GÉNESIS 50:8

Josepac familiacunapish, huauquicunapish, Jacobopac familiacunapish paihuanmi rirca. Gosén llactapica huahuacuna, shinallatac animalcunallami saquirirca.

ÉXODO 10:10

Shina nicpimi Faraonca: —Mandac Dios cancunahuan cacpipish, ¿ima shinatac cancunataca huahuacunandi richun saquishayari? ¡Cancunaca mana allitami yuyarishcanguichic!

ÉXODO 10:26

¡Ñucanchicca animalcunatapish apanami canchic! Millmallatapish mana saquinachu canchic. Chai animalcunamantami maijanta cashpapish ñucanchicta Mandac Diosmanca cuna canchic. Ñucanchicta Mandac Diosman maijan animalcunallata huañuchishpa cunataca, chaiman chayashpami yachashun— nirca.

ÉXODO 12:32

Cancuna nishca shina cancunapac ovejacunatapish, vacacunatapish apashpa richiclla. Shinallatac ñucamantapish mañanguichic— nirca.

ÉXODO 12:37

Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

ÉXODO 12:38

Shuctac gentecunapish achcami paicunahuan llucshirca. Shinallatac ovejacunapish, huagracunapish achcami carca.

ÉXODO 13:6

Canchis punzhata levadura illac tandata micunguichic. Chai canchisniqui punzhaca Mandac Diospac fiestami canga.

ÉXODO 3:18

Shina nicpica, israelcunata pushac yuyaccunaca uyangallami. Chaimanta paicunahuan Egipto llactata jatun mandacpacman rishpa: “Ñucanchic israelcunata Mandac Diosmi ricurirca. Quimsa punzhata purishpa, ñucanchic Mandac Diosman animalta cushpa rupachigrichun saqui” nishpa mañangui.

ÉXODO 5:1

Chaimanta Moisespish, Aaronpish Faraonpacman yaicushpaca: —Mandac Diosca Israeltaca: “Ñuca acllashca israelcuna shitashca pambapi ñucata jatunyachishpa cushicugrichun saqui” ninmi— nirca.

ÉXODO 5:3

Chashna nicpimi paicunaca: —Israelcunapac Diosmi ñucanchicman ricurirca. Chaimantami cunanca quimsa punzhata purishpa, chai shitashca pambapi animalta rupachishpa, Mandac Diosman cugrinchic. Ñucanchic mana chaita ruhuacpica, ungüihuan, mana cashpaca espadahuan huañuchingami— nirca.

PROVERBIOS 3:9

Mandac Diostaca cambac charishcacunahuan, punta pucushca granocunahuan alli ningui.

ECLESIASTÉS 12:1

Huambrarac cai punzhacunaca canta ruhuac Diosta yuyaringui. Manarac llaqui punzhacuna chayamucpi yuyaringui. Chai huatacuna chayacpica: «Cai causaipica mana cushicui tiyanchu» ninguimi.

NÚMEROS 29:12

Canchis quilla chunga pichca punzhapica ñucapaclla tandanacuita ruhuanguichic. Canchis punzhata Mandac Dios ñucapac fiestata ruhuashpa, ama ima trabajota ruhuanguichicchu.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.