ÉXODO 10:7 - Dios Rimashcata Quillcashcami

⁷ Chaita uyashpami, Faraonta serviccunaca: —¿Ima horascamantac cai runaca ñucanchictaca llaquichishpa catigrin? Cai runacunata paicunapac Mandac Diosta servigrichun cachai. Tucui Egipto tucuricushcataca, ¿manachu ricungui?— nirca.

ÉXODO 10:7 Iomraidhean Croise

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

ÉXODO 12:33

Tucui Egipto runacunaca: «Tucuimari huañugrinchic» nishpami, tucui israelcunata utca llucchishpa cacharca.

ÉXODO 23:33

Cambac llactapi causachunpish ama saquinguichu. Paicunaca canta pandachishpa, ñucata piñachingami. Paicuna mitcachishpa pandachicpimi, canca yanga dioscunata servingui» nirca.

ÉXODO 7:5

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

ÉXODO 8:19

Chaimantami brujocunaca Faraontaca: —¡Caicunaca Dios ruhuashcami!— nirca. Shina nicpipish, Faraonca Mandac Dios nishca shinallatacmi sinchi shungu tucushpa, mana cazurca.

PROVERBIOS 29:6

Millaita ruhuac runaca pai ruhuashca millaillapitacmi tucllapi shina urman. Ashtahuanpish cashcata ruhuac runaca cushicushpami cantan.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

ISAÍAS 14:20

Canca, cambac llactapi causaccunallatatac tucuchishcamanta, cambac gentecunallatatac huañuchishcamantaca mana caishuc jatun mandaccunahuan pacta enterraringuichu. Mana allita ruhuaccunapac huahua huahuacunataca manatac yuyarishcachu canga.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

JEREMÍAS 48:4

Moab llactaca tucuchishcami. Uchilla huahuacuna yallita huacashcami uyarin.

JEREMÍAS 51:8

Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

1 CORINTIOS 7:35

Caicunata mana cancunata jarcangapac, ashtahuanpish cancunapac allipacmi nini. Tucui shunguhuan Apunchic Jesusta servishpa, ima shina causana cashca shina causachun chashnaca nini.

JOSUÉ 23:13

cancunata Mandac Diosca chai llactapi causaccunataca cancunapac ñaupamanta mana ashtahuan llucchishpa cachanataca yachanami canguichic. Ashtahuanpish paicunaca cancunapacca tuclla shina mitcachic, cancunapac lomopi huactana angu shina, ñahuipi yaicushca casha shinami canga. Chashnami cancunata Mandac Dios cancunaman cushca sumac llactapi cancuna tucuringacaman chashna canga.

1 SAMUEL 18:21

Chaimantami Saulca: «Tucllapi urmachic shinami filisteocunapac maquipi paicuna huañuchichun cazarachisha» yuyarca. Chaimantami Saulca cutinllatac Davidtaca: —Cunanmi ñuca yerno cagringui— nirca.

1 SAMUEL 5:11

Chaimantami filisteocunata tucui mandaccunata cayachishpa tandanacushpaca: «Israelcunapac Diospac Arcata maimanta apamushca pushtullamantac apaichic. Pacta ñucanchicpish, ñucanchic gentecunapish huañunchicman» nirca. Chai pueblopi causaccunaca Diospac poderhuan ashtahuan llaquichishpa yalli huañuchishcamantami mancharirca.