ÉXODO 10:26 - Dios Rimashcata Quillcashcami

²⁶ ¡Ñucanchicca animalcunatapish apanami canchic! Millmallatapish mana saquinachu canchic. Chai animalcunamantami maijanta cashpapish ñucanchicta Mandac Diosmanca cuna canchic. Ñucanchicta Mandac Diosman maijan animalcunallata huañuchishpa cunataca, chaiman chayashpami yachashun— nirca.

ÉXODO 10:26 Iomraidhean Croise

ÉXODO 10:25

Shina nicpimi Moisesca: —Ñucanchic Mandac Diosman animalta huañuchishpa rupachishpa cuchunca, canmi cuna cangui.

ÉXODO 10:9

Shina nicpimi Moisesca: —Ñucanchic Mandac Diosta cushichina jatun fiesta cashcamantaca huahuacunandi, yuyaccunandi, churicunandi, ushicunandimi rina canchic. Shinallatac ovejacunatapish, vacacunatapish tucuimi apana canchic— nirca.

ÉXODO 12:32

Cancuna nishca shina cancunapac ovejacunatapish, vacacunatapish apashpa richiclla. Shinallatac ñucamantapish mañanguichic— nirca.

ÉXODO 8:27

Ñucanchicca quimsa punzhata purishpa, shitashca pambaman chayashpa, chaipimi Mandac Dios mandashca shina, paiman animalta huañuchishpa cushun— nirca.

PROVERBIOS 3:9

Mandac Diostaca cambac charishcacunahuan, punta pucushca granocunahuan alli ningui.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.

ZACARÍAS 14:20

Chai punzhapica caballocunapi churashca campanillapica: «Mandac Diospac chicanyachishcami» nishpa quillcashcami canga. Chaitami aparishca puringa. Diospac huasipi tiyac mangacunapish altar ladopi tiyacuc jatun lavacaracuna shinallatacmi canga.

2 CORINTIOS 8:5

Paicuna cushpaca, mana ñucanchic yuyacushca shinachu curcacuna, ashtahuanpish paicunallatacmi puntaca Apunchic Jesucristoman curishpa quipaca Dios munashca shinami, ñucanchicpacta ruhuanatapish munarcacuna.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.