ÉXODO 10:21 - Dios Rimashcata Quillcashcami

²¹ Mandac Diosca Moisestaca: —Tucui Egipto llactapi yalli pura tucuchun, maquita huichaiman alzai. Chai purataca maquihuanpish tuparinallami canga— nirca.

ÉXODO 10:21 Iomraidhean Croise

JOB 5:14

Paicunaca punzha pachami purapi shina huactarincuna. Chaupi punzhapimi tutapi shina mitcarishpa purincuna.

SALMOS 105:28

Amsata cachashpa chai llactata tucui tutayachicpipish pai rimashca shimitaca mana cazurcacunachu.

SALMOS 35:6

Paicunapac ñanca amsayashca lluchcarinalla cachun. Mandac Diospac ángel paicunata cati rishpa llaquichichun.

SALMOS 78:49

Diosca Egipto llacta runacunahuan nina japiric shina yallita piñarishpami, tucui tucuchichun achca angelcunata cacharca.

ÉXODO 7:19

Mandac Diosca Moisestaca: —Aaronta: “Cambac varata japishpa, tucui Egiptopi tiyac yacucunapi, jatun yacucunapi, toma yacucunapi, jundu yacucunapi, cucha yacucunapi maquita jahuata chutangui. Shina ruhuacpica, yahuarmi tucunga. Tucui Egipto llacta yacucunapish, caspi vasocunapi shinallatac rumi vasocunapi tiyac yacucamanmi yahuar tucunga” ningui— nirca.

ÉXODO 9:22

Mandac Diosca Moisestaca: —Tucui Egipto llactapi causac gentecunapi, animalcunapi shinallatac tucuilaya sacha yuracunapi rundu tamyachun, cambac maquita huichaiman alzai— nirca.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

ECLESIASTÉS 2:14

Alli yachac runaca allita ricushpami purin. Ashtahuanpish mana entendic runaca purapi shinami purin. Shina cacpipish tucuripica tucuimi chashnallatac tucuna cashcatami entendircani.

ECLESIASTÉS 6:4

Chai shullushca huahuaca cai pachaman yanga shamushpami, pura tutaman rin. Paipac shutitaca pura tutami chingachin.

EZEQUIEL 32:7

Can tucurishca quipaca, jahua pachapish amsayangami, lucerocunapish, quillapish mana achicyachingachu. Intitapish puyuhuanmi tapasha.

SAN MATEO 27:45

Chaupi punzhamanta quimsa horas chishicamanmi, tucui cai pachaca amsayarca.

MARCOS 15:33

Chaupi punzhamanta quimsa horas chishicamanmi, tucui cai pachaca amsayarca.

SAN LUCAS 23:44

Chaupi punzhamanta quimsa horas chishicamanmi, tucui cai pachaca amsayarca.

DEUTERONOMIO 1:30

Mandac Diosmi cancunapac ñaupata ringa. Egiptomanta llucchingapac imata ruhuashcataca cancunapac ñahuihuanmi ricurcanguichic. Chashnallatacmi cunanpish cancunamanta macanacunga.

DEUTERONOMIO 28:29

Cancunaca chaupi punzhami ñahui mana ricuc runa shina tantiashpa puringuichic. Mana alli causanguichicchu. Cancunaca punzhantami llaquichishcalla canguichic. Cancunapacta imata shuhuacucpi, caparicpipish pi mana ayudangachu.

DEUTERONOMIO 4:34

Mandac Diosmi Egipto llactapi cancuna causacucpi, llaquicunata cachashpa, milagrocunata ruhuashpa, jatun macanacuita ruhuashpa paipac poderhuan, paipac maquihuan llucchimurca. ¿Pai shina shuctac dioscunaca tiyangachu?

2 PEDRO 2:17

Chai pandata yachachiccunaca yacu illac jundu, shinallatac puyuta huaira apashca shinacunami. Shina cashpami, paicunaca huiñaicaman jatun amsapi shitashca cangapac cancuna.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

APOCALIPSIS 8:12

Chuscuniqui ángel tocacpica, quillapish, intipish, lucerocunapish quimsapi chaupishcamanta shuc partemi amsayarca. Chaimantami quimsapi chaupishcamanta shuc parte punzhapish, tutapish mana achicyarca.