ÉXODO 10:13 - Dios Rimashcata Quillcashcami

¹³ Shina nicpimi, Moisesca Egipto llacta jahuata maquita alzarca. Shina ruhuacpimi, Mandac Diosca inti llucshina ladomanta tucui tuta, tucui punzha huairata cacharca. Cayandi tutamantaca inti llucshina ladomanta shamuc huairaca langostacunatami apamurca.

ÉXODO 10:13 Iomraidhean Croise

GÉNESIS 41:6

Chai quipaca ñañuyashca, inti llucshina ladomanta huaira huactashca canchis trigo uma llucshicuctami ricurca.

SALMOS 105:34

Dios mandacpimi langostacunapish, saltashpa puric animalcunapish yallita mirashpa,

SALMOS 148:8

Rayopish, rasupish, rundupish, puyupish, pai rimashcata pactachic acapana huairapish,

SALMOS 78:26

Jahua pachamanta huairata cuyuchishpami, paipac tucuita ruhuac cashcahuan ura lado huairata apamurca.

SALMOS 78:46

Paicunapac granocunataca burbojacunamanmi curca. Tucui chagracunatapish langostacunamanmi curca.

ÉXODO 14:21

Moisés maquita cucha jahuata chutacpica, Mandac Diosmi inti llucshina ladomanta sinchi huairata tucui tuta cachashpa, cuchataca ishcaipi chaupirca. Cuchaca ishcaipi chaupishpa, chaquishca allpa shina tucushpa saquirirca.

PROVERBIOS 30:27

Langostacunaca jatun mandacta mana charishpapish, tucui mashnami tandanacushpa llucshincuna.

JONÁS 1:4

Ashtahuanpish Mandac Dios mama cuchaman sinchi huairata cachashpami, barcota yallita cuyuchirca. Chaimantami barcoca paquirinalla tucurca.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

SAN MATEO 8:27

Chaimantami paicunapura mancharinacushpa: —¿Pitac cai runaca? Chaica huairapish, yacupish cazunmi— ninacurca.