ÉXODO 1:9 - Dios Rimashcata Quillcashcami

⁹ «Riquichic, israelcunaca ñucanchicta atishpa, ashtahuan achcami. Ñucanchicta yalli sinchicunami.

ÉXODO 1:9 Iomraidhean Croise

GÉNESIS 26:16

Chaimantami Abimelecca Isaactaca: —Caimanta llucshishpa ri, cai llactapica canca ñucanchicta atishpa, yalli chayucmi tucushcangui— nirca.

GÉNESIS 46:3

Chashna nicpimi Diosca: —Ñucaca Diosmi cani, cambac taitapac Diosmi cani. Egipto llactapimi cambac huahua huahuacunamantaca jatun llactata ruhuasha. Chaimanta ama manchashpa, chaiman rilla.

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

ÉXODO 5:5

Ari, cai llactapica gentecunaca achcami. Shina cacpipish, cancunaca cai gentecuna alli trabajacuctami jarcachisha ninguichic— nirca.

PROVERBIOS 14:28

Jatun mandacca achca gentecunata mandacushpami tucuipac alli nishca tucun. Shinallatac ashalla gentecunata mandashpaca yangallami tucun.

PROVERBIOS 27:4

Yallita piñarishca runaca pitapish mana llaquishpa tucuchina yuyaillami. Imatapish charina yuyaihuan puric runapac ñaupapica ¿pitac shayari pudingayari?

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SANTIAGO 4:5

Dios quillcachishcapica: «Ñucanchic shungupi espirituta churac Diosca, paipaclla causachunmi munan» nicunmi. Chaitaca, ¿yangalla cashcatachu yuyanguichic?