ÉXODO 1:22 - Dios Rimashcata Quillcashcami

²² Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

ÉXODO 1:22 Iomraidhean Croise

GÉNESIS 41:1

Ishcai huata quipami, Faraonca shuc muscuita muscurca. Paica Nilo yacu ladopi chayacushcatami muscurca.

SALMOS 105:25

Shina cashpapish Diosca pai acllashcacunata piñachun, paita serviccunataca llullashpa llaquichichunmi chai gentecunapac shungupi piñana yuyaita churarca.

ÉXODO 1:16

—Ima horas cancuna Israel huarmicunata sajuarichicucpi, cari huahua huacharicpica huañuchinguichic. Cutin huarmi cacpica, saquinguichiclla— nirca.

ÉXODO 2:6

Faraonpac ushi chai canashtata pascashpaca, shuc huahua huacacuctami ricurca. Chaimantami chai huahuata llaquishpaca: —Cai huahuaca israelpuramantami— nirca.

PROVERBIOS 1:16

Mana allita ruhuangapacca callpashpami rincuna. Huañuchishpa yahuarta jichangapacca utcami rincuna.

PROVERBIOS 27:4

Yallita piñarishca runaca pitapish mana llaquishpa tucuchina yuyaillami. Imatapish charina yuyaihuan puric runapac ñaupapica ¿pitac shayari pudingayari?

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

HECHOS 7:19

Chai mandacmi ñucanchic taitacunata umashpa llaquichirca. Ama ashtahuan mirashpa catichunmi, cari huahuacuna huacharicpica, maipi shitachun mandarca.

HEBREOS 11:23

Crishcamantami Moisés huacharicpica, paipac taita mamaca alaja huahua cashcata ricushpa, quimsa quillata pacashpa charirca. Jatun mandac tucui cari huahuacunata huañuchichun mandacpipish, mana mancharcacunachu.