ESTER 9:4 - Dios Rimashcata Quillcashcami

⁴ Jatun mandac mandana huasipica Mardoqueomi tucuimanta yalli alli mandac carca. Paica tucui llactacunapimi ricsishca carca. Punzhantami ashtahuan ashtahuan alli nishca tucurca.

ESTER 9:4 Iomraidhean Croise

2 SAMUEL 3:1

Saulpac huasi ucupurahuan, Davidpac huasi ucupurahuan macanacuica unaitami catirca. Shina cacpipish Davidpac huasimi ashtahuan sinchiyashpa caticurca. Cutin Saulpac huasica fuerza illacmi saquiricurca.

1 CRÓNICAS 11:9

Davidca Mandac Dios paihuan cacpimi, ashtahuan ashtahuan jatunyashpa catirca.

1 CRÓNICAS 14:17

David chashna ruhuashcaca tucui llactacunapimi yacharirca. Mandac Diosmi tucui llactacunapi Davidta manchachun chashna ruhuarca.

ESTER 10:2

Mardoqueo jatun mandac cashcapish, tucui imata ruhuashcapish paita jatun mandacta ruhuashpa jatunyachishpa quillcashcapish Persia, Media llactacunata jatun mandaccuna imata ruhuashcacunata quillcashcapimi quillcashca tiyacun.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

SALMOS 18:43

Ñuca llacta gentecuna yallita juchanchicpipish, quishpichishpami llactacunata jatun mandacta ruhuarcangui. Ñuca mana ricsishca gentecunapish ñucata servircacunami.

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.

ÉXODO 11:3

Mandac Diosca israelcuna mañashcata cuchunmi, Egipto runacunamanca cuyac shunguta curca. Moisespish tucui Egipto llactapi alli nishcami carca. Faraonta serviccunapacpish, tucui gentecunapacpish alli nishcami carca.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

SOFONÍAS 3:19

Chai huatapica cancunata tucui llaquichiccunatami llaquichisha. Shinallatac suchucunataca quishpichishami. Chingarishca oveja shina puriccunatapish tandachishami. Cancunata pingaichishca llactacunapica tucuipac alli nishca, tucuipac ricsishcatami ruhuasha.

SAN MATEO 4:24

Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

JOSUÉ 6:27

Mandac Diosca Josuehuanmi carca. Chaimantami Josuepac shutica tucui cai pachapi ricsishca can.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.