ESTER 9:3 - Dios Rimashcata Quillcashcami

³ Llactacunapi tucui mandaccunapish, sátrapas nishca mandaccunapish, jatun mandacta serviccunapish Mardoqueota yallita manchashpami Judá gentecunata ayudarcacuna.

ESTER 9:3 Iomraidhean Croise

ESDRAS 2:2

Zorobabelhuan shamuccunaca: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, shinallatac Baanami shamurca. Chai cutimuc israelcunaca:

ESDRAS 8:36

Chai quipami jatun mandac Artajerjes quillcashcata jatun yacu chimba lado llactata mandac sátrapas nishca mandaccunaman, soldadocunata mandaccunamanpish curcacuna. Paicunami israelcunatapish, Diospac huasita allichichunpish ayudarcacuna.

ESTER 3:12

Shina nicpimi, Amanca huata callari quilla chunga quimsa punzhapi jatun mandacpac quillcaccunata cayarca. Jatun mandac churashca sátrapas nishca mandaccunata, tucui llactapi soldadocunata mandaccunata, tucui gentecunata mandaccunata Amán mandashca shinallatacmi tucui llactapi ima shina quillcanata yachashca shinallatac tucui gentecunapac rimaipi quillcachirca. Jatun mandac Asueropac shutipi quillcashpami, jatun mandacpac sortejas-huan sellarca.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

ESTER 8:5

jatun mandactaca: —Can jatun mandacpac ñaupapi ñuca alli ricurishca cacpi, can jatun mandacman alli cana cacpica, can ñucata cuyashpaca, Agageopac huahua huahuapuramanta Hamedatapac churi Amán can jatun mandacpac tucui llactacunapi causac Judá llacta gentecunata tucuchichun mandashpa quillcashcata anchuchingapac shuc quillcata cachai.

ESTER 8:9

Chaimantami Siván nishca quimsa quilla ishcai chunga quimsa punzhapi jatun mandacpac quillcaccunata cayarca. Chai quillcaccunami Judá llacta gentecunaman, soldadocunata mandaccunaman India llactamanta Etiopía llactacaman patsac ishcai chunga canchis llactacunaman quillcarca. Cada llacta ima shina quillcac shinallatacmi paicunapac rimaipi quillcarca. Judá llacta gentecunamanpish paicuna quillcac shinallatacmi paicunapac rimaipi quillcarca.

DANIEL 3:2

Chashna ruhuashpami, jatun mandac Nabucodonosorca prefectocunata, soldadocunata mandaccunata, shuctac mandaccunata, cunaccunata, cullquita huacaichiccunata, juezcunata, tucui llactacunapi mandaccunata tandachichun mandarca. Chai mandaccunataca chai runaman ricchata mañai callaringapacmi cayarca.