ESTER 9:22 - Dios Rimashcata Quillcashcami

²² Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.

ESTER 9:22 Iomraidhean Croise

ESTER 9:19

Chaimantami uchilla llactacunapi tiyac, muyundita mana pircashca uchilla pueblocunapi causac Judá gentecunaca Adar quilla chunga chuscu punzhapi jatun micuita ruhuashpa, ladollapi causaccunaman ima charishcacunata carashpa yallita cushicuncuna.

ESTER 9:21

Chai quillcacunapica Adar quilla chunga chuscu punzhapipish, chunga pichca punzhapipish huatanta fiestata ruhuachunmi mandashpa cacharca.

ESTER 9:23

Judá gentecunaca Mardoqueo quillcashpa mandashcata cazushpa paicuna ruhuai callarishcata ruhuashpa catingapacmi ari nircacuna.

SALMOS 103:2

Ñuca almalla, Mandac Diosta alli niyari. Tucui pai bendiciashcataca shucllatapish ama cungarichu.

SALMOS 149:7

Chaica, shuctac llactapi causaccuna llaquichishcamanta paicunatapish chashnallatac llaquichingapac chashna charicuichic.

SALMOS 30:11

Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui.

SALMOS 30:12

Ñuca Dioslla, chaimantami mana upallashpa cantacushalla. Ñucata Mandac Dioslla, huiñaitami alabacushalla.

SALMOS 37:15

Shina cacpipish, paicunapac espadaca paicunapac shungullapitacmi yaicunga. Cutin arcoca paquiringami.

ISAÍAS 14:3

Mandac Dios israelcunata nanaimantapish, yalli llaquimantapish, llaquita servichishpa causanamantapish samachi punzhapi,

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

SAN MATEO 5:4

Shungupi llaquilla caccuna, ¡cushicuichic! Diosmi cancunataca cushichinga.

SAN LUCAS 11:41

Cancunaca imalla charishcata huacchacunaman caraichic. Chashna cushpami jahuashca shina chuyanlla canguichic.

GÁLATAS 2:10

Shinallatac huacchacunatapish yuyarichunmi nircacuna. Chaitaca tucui shunguhuanmi pactachina yuyailla cani.

DEUTERONOMIO 15:7

Mandac Dios cancunaman cushca llactacunapi cancunapac huauqui imata minishticpica, ama misa canguichicchu, ama maquita huichcanguichicchu.

DEUTERONOMIO 16:14

Chai fiestapica cancunapac churicunahuan, ushicunahuan, servic caricunahuan, servic huarmicunahuan, chaipi causac levitacunahuan, shuctac llacta runacunahuan, taita mama illaccunahuan, cancunapac llacta causac viudacunahuan cushicunguichic.

DEUTERONOMIO 16:15

Mandac Dios acllashca pushtupi Mandac Diosman canchis punzhacaman fiestata ruhuanguichic. Mandac Diosca tucui cancunapac granota, tucui cancunapac maquihuan ruhuashcatami bendiciashca. Chaimanta yallitami cushicunguichic.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.

1 SAMUEL 25:8

Chaitaca canta serviccunaman tapunguilla, paicunaca huillangallami. Shina cashcamanta ñuca cachashca mosocuna cambac ñaupapi alli ricurishca cachun. Ñucanchicca cushicui punzhapimi chayamushcanchic. Shina cashcamanta can imata charishca micunacunata canta serviccunaman, cambac churi Davidman cachai ninmi” nigrichic— nirca.