ESTER 9:14 - Dios Rimashcata Quillcashcami

¹⁴ Shina nicpimi, jatun mandacca Susa jatun pueblopica chashna ruhuashca cachun nirca. Chaimantami chai chunga churicunataca huarcurcacuna.

ESTER 9:14 Iomraidhean Croise

ESDRAS 7:13

Caitaca ñucami mandani. Ñuca mandana llactacunapi causac tucui israelcunapish, curacunapish, levitacunapish Jerusalenman canhuan risha nishpaca richunlla.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

ESTER 7:9

Shina tapashpami jatun mandacta servicpuramanta Harbona eunuco runaca: —Riqui, Amanpac huasipimi Mardoqueota huarcushpa sipingapac Amán ruhuashca ishcai chunga ishcai metro chaupi altota shayachishca caspi shayacun. Mardoqueoca can jatun mandacta shuccuna huañuchigricushcata huillarcami— nirca. Shina nicpimi, jatun mandacca: —Amantaca chaillapitac huarcugrichic— nishpa mandarca.

ESTER 9:13

Shina nicpimi Esterca: —Can jatun mandacman alli cacpica, cunan punzha mandashcata Susa pueblopi causac Judá gentecuna ruhuashca shinallatac cayaca Amanpac chunga churicunata caspipi huarcuchun mandai— nirca.

ESTER 9:15

Susa pueblopi causac Judá gentecunaca Adar quilla chunga chuscu punzhapimi cutin tandanacushpa Susa pueblopi causaccunataca quimsa patsac runacunata huañuchirca. Shina huañuchishpapish paicuna ima charishcacunataca mana japircacunachu.

PROVERBIOS 12:7

Diosta mana manchaccunaca Dios chingachicpimi, tucurincunalla. Ashtahuanpish cashcata ruhuaccunapac huasipica ima llaqui mana tiyanchu.

ECLESIASTÉS 6:3

Shuc runa patsac churicunata charishca cashpapish, tauca huatacunata, achca punzhacunata causashca cashpapish, pai charishcahuanca mana cushicushcachu. Shinallatac pai huañucpipish, enterrangapac sepulturaca mana tiyashcachu. Chaimantami ñucaca, shullushca huahuami chai runata yalli alli nini.

NÚMEROS 24:20

Balaam amalecitacunata ricushpa, yuyarina rimaicunahuan huillashpa: «Amalecitacunapac llactaca tucuita yallimi. Shina cashpapish tucuchishpa chingachishcami canga» nirca.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.