ESTER 9:13 - Dios Rimashcata Quillcashcami

¹³ Shina nicpimi Esterca: —Can jatun mandacman alli cacpica, cunan punzha mandashcata Susa pueblopi causac Judá gentecuna ruhuashca shinallatac cayaca Amanpac chunga churicunata caspipi huarcuchun mandai— nirca.

ESTER 9:13 Iomraidhean Croise

2 SAMUEL 21:6

Cunanca, paipac huahua huahuacunamanta canchis runacunata Mandac Dios acllashca Saulpac Gabaón pueblopi sipingapac cui— nirca. Shina nicpimi, jatun mandacca: —Chai runacunata cushallami— nirca.

2 SAMUEL 21:9

Paicunatami gabaonitacunamanca curca. Paicunaca urcupimi Mandac Diospac ñaupapi sipirca. Chaipimi tucui canchis runacunaca huañurca. Paicunataca cebada piti callari punzhacunapimi huañuchirca.

ESTER 8:11

Chai quillcacunapimi jatun mandacca cada pueblopi causac Judá gentecunataca paicunata ama huañuchichunca tandanacushpa chaparaichic. Mai pueblocunamanta cashpapish huañuchingapac muyunacushpa shamucpica tucui huañuchishpa chingachinguichic. Paicunataca huahuacunatapish, huarmicunatapish mana llaquishpa huañuchishpa, paicuna ima charishcatapish japinguichiclla nishpami mandashca carca.

ESTER 9:14

Shina nicpimi, jatun mandacca Susa jatun pueblopica chashna ruhuashca cachun nirca. Chaimantami chai chunga churicunataca huarcurcacuna.

ESTER 9:15

Susa pueblopi causac Judá gentecunaca Adar quilla chunga chuscu punzhapimi cutin tandanacushpa Susa pueblopi causaccunataca quimsa patsac runacunata huañuchirca. Shina huañuchishpapish paicuna ima charishcacunataca mana japircacunachu.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

DEUTERONOMIO 21:23

mana tucui tuta sachapi huarcushca saquirinachu can. Chai huañushcataca Dios maldiciashca cashcamantami chai punzhallatac enterrana can. Chashna ruhuashpami Mandac Dios cancunaman cushca allpataca mana mapayachinguichic.