ESTER 8:17 - Dios Rimashcata Quillcashcami

¹⁷ Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

ESTER 8:17 Iomraidhean Croise

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

NEHEMÍAS 8:10

Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.

ESTER 9:17

Chai macanacuica Adar quilla chunga quimsa punzhapimi carca. Cayandi chunga chuscu punzhapica jatun micuita ruhuashpami cushicushpa samarircacuna.

ESTER 9:19

Chaimantami uchilla llactacunapi tiyac, muyundita mana pircashca uchilla pueblocunapi causac Judá gentecunaca Adar quilla chunga chuscu punzhapi jatun micuita ruhuashpa, ladollapi causaccunaman ima charishcacunata carashpa yallita cushicuncuna.

ESTER 9:2

Judá gentecunaca paicunata llaquichigricuc gentecunahuan macanacungapacmi jatun mandac Asuero mandacuc tucui llactacunapi paicuna causacuc pueblocunapi tandanacurca. Tucui llactacunapi causaccunami paicunataca yallita mancharcacuna. Chaimantami paicunahuan macanacunataca pipish mana pudirca.

ESTER 9:22

Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.

ESTER 9:27

Judá gentecunaca chai ishcai punzhacunapica paicunaman quillcashca shinallatac paicunapac huahua huahuacunamanpish, paicunapura tandanacushcamanpish, mana cungarishpa pactachingapac, shinallatac ima punzhacunapi ruhuana cashca shinallatac huatanta ruhuangapacmi ari nircacuna.

ESTER 9:3

Llactacunapi tucui mandaccunapish, sátrapas nishca mandaccunapish, jatun mandacta serviccunapish Mardoqueota yallita manchashpami Judá gentecunata ayudarcacuna.

SALMOS 105:38

Egiptopi causaccunaca yalli manchaihuanmi causacurca. Chaimantami israelcuna llucshicpica, yallita cushicurcacuna.

SALMOS 18:43

Ñuca llacta gentecuna yallita juchanchicpipish, quishpichishpami llactacunata jatun mandacta ruhuarcangui. Ñuca mana ricsishca gentecunapish ñucata servircacunami.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

DEUTERONOMIO 11:25

Cancunahuanca pipish mana cariyangachu. Mandac Diosca, pai ruhuasha nishca shinami, tucui cai pachapi manchaita chucchuita churanga.

DEUTERONOMIO 2:25

Cunanmi cai pachapica manchaita, chucchuita churagrini. Cancunamanta parlashcata uyashpallami munai manchaihuan chucchunga” nirca.

JOSUÉ 2:11

Chaita uyashpaca, ñucanchic shunguca yallita shaicushca shinami tucurca. Cancunata manchashpami, tucui gentecuna ima cushicuitapish, mana charincuna. Cancunata Mandac Diosca jahua pachapipish, cai pachapipish Diosmi.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

1 SAMUEL 25:8

Chaitaca canta serviccunaman tapunguilla, paicunaca huillangallami. Shina cashcamanta ñuca cachashca mosocuna cambac ñaupapi alli ricurishca cachun. Ñucanchicca cushicui punzhapimi chayamushcanchic. Shina cashcamanta can imata charishca micunacunata canta serviccunaman, cambac churi Davidman cachai ninmi” nigrichic— nirca.