ESTER 7:7 - Dios Rimashcata Quillcashcami

⁷ Jatun mandacca nina japiric shina piñarishpami vinota ubianata saquishpa mandashpa tiyana huasi lado huertaman rirca. Jatun mandacca Amanta huañuchinalaya tucucpimi, Amanca paita ama huañuchichun jatun mandac Esterman mañangapac saquirirca.

ESTER 7:7 Iomraidhean Croise

ESTER 1:12

Ashtahuanpish jatun mandac Vasti huarmica eunuco runacunata jatun mandac Asuero pushamuchun cachashca cacpipish mana risha nircachu. Chaimantami jatun mandacca yallita piñarirca.

ESTER 1:5

Chai punzhacuna quipami pai mandana huasi canzhapi canchis punzhata Susa pueblopi causac alli nishca gentecunamanpish, yangalla gentecunamanpish jatun micuita ruhuarca.

ESTER 7:10

Shina mandacpimi, Amantaca Mardoqueota sipingapac paillatac shayachichishca caspipi huarcurca. Chashna ruhuacpimi jatun mandacca yallita piñarishcata pasachirca.

SALMOS 112:10

Diosta mana manchac runa chaita ricushpaca yallitami piñaringa. Paipac shungupi nanarishpami quirucuna caniringa. Diosta mana manchaccunapac yuyaica chingaringami.

PROVERBIOS 14:19

Mana allita ruhuac runacunaca allita ruhuac runapac ñaupapimi cumuringacuna. Diosta mana manchaccunaca cashcata ruhuaccunapac pungupimi cumuringacuna.

PROVERBIOS 14:35

Jatun mandacca paita servic alli yuyaita charicpimi cuyan. Ashtahuanpish paita pingaichic runataca piñashpami llaquichin.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

DANIEL 3:19

Shina nicpimi, Sadrac-huan, Misac-huan, Abed-negohuan yallita piñarishpa ñahui shuctaclaya tucurca. Chaimantami hornotaca canchis cutinhuan yalli rupacyachichun mandarca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

1 SAMUEL 20:7

Cambac taita: “Shina cashpaca allimi” nicpica, canta servic ñucaca cushillami casha. Ashtahuanpish pai piñaricpica, huañuchingapac cashcatami yachangui.

1 SAMUEL 20:9

Shina nicpimi Jonatanca: —¡Ama chashna yuyaichu! Ashtahuanpish ñuca taita huañuchishatac nicushcata yachashpaca ¿Manachu huillaiman?— nirca.

1 SAMUEL 25:17

Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.