ESTER 6:4 - Dios Rimashcata Quillcashcami

⁴ Amán pai shayachishca sipina caspipi Mardoqueota sipichun ningapacmi jatun mandac mandana huasi punguman yaicushca carca. Chaipimi jatun mandacca: —¿Pitac huasi pungupi?— nishpa tapurca.

ESTER 6:4 Iomraidhean Croise

ESTER 4:11

«Maijan cari cashpa, huarmi cashpa, jatun mandac manapish cayacpi jatun mandacta ricungapac ucuman yaicucpica, huañunami can nishpa mandashcami tiyan. Mana cashpaca, jatun mandac paipac curi varata ñaupaman chutashpa ricuchicpimi mana huañunga. Chaitaca jatun mandacta serviccunapish, jatun mandac mandacuc tucui llactacunapi causaccunapish yachanmi. Ñuca, pai jatun mandacta ricungapacca cai quillaca mana cayashcachu cani» nichunmi cacharca.

ESTER 5:1

Quimsa punzha tucucpimi, Esterca jatun mandac huarmi churanata churarishpa mandana huasi pungu pambaman yaicushpa shayarirca. Chai pungu pambaca jatun mandac tiyarina chimbapurapimi carca.

ESTER 5:14

Shina nicpimi, paipac huarmi Zerespish, paipac ricsishcacunapish Amantaca: —Sipingapac ishcai chunga ishcai metro caspita shayachichun mandai. Chai caspipi Mardoqueota sipingapac cayaca jatun mandacman huillai. Chai quipaca jatun mandac-huan chai jatun micuiman cushilla ringuillami— nircacuna. Chai yuyai alli cacpimi, Amanca chai sipina caspita shayachichun mandarca.

ESTER 6:3

Chaita uyashpami jatun mandacca: —Chaita huillashcamanta Mardoqueomanca, ¿ima allitatac curcanguichic? Mana cashpaca, ¿paitaca allitami ruhuashca nircanguichicchu?— nishpa tapurca. Shina nicpimi, paita serviccunaca: —Imatapish paimanca mana ruhuashcachu— nircacuna.

ESTER 6:5

Shina tapucpi paita serviccunaca: —Amanmi pungu pambapi shayacun— nircacuna. Shina nicpi, jatun mandacca: —Yaicuchunlla— nirca.

ESTER 7:9

Shina tapashpami jatun mandacta servicpuramanta Harbona eunuco runaca: —Riqui, Amanpac huasipimi Mardoqueota huarcushpa sipingapac Amán ruhuashca ishcai chunga ishcai metro chaupi altota shayachishca caspi shayacun. Mardoqueoca can jatun mandacta shuccuna huañuchigricushcata huillarcami— nirca. Shina nicpimi, jatun mandacca: —Amantaca chaillapitac huarcugrichic— nishpa mandarca.

JOB 5:13

Jatun yachaccunataca paicunapac yachashcallapitacmi urmachin. Millaita ruhuaccunataca paicuna yuyarishcatami pandachin.

SALMOS 2:4

Jahua pachapi causac Mandac Diosca asingami, paicunataca burlatami ruhuanga.

SALMOS 33:19

Huañuimanta almata quishpichishpa, yarcai punzhacunapi micunata cushpa causaita cungapacmi chashnaca ricucun.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.