ESTER 6:11 - Dios Rimashcata Quillcashcami

¹¹ Chashna nicpimi, Amanca churarinatapish, caballotapish apamushpa. Mardoqueoman churachishpa, caballopi montachishpa plazaman apashpaca: “Jatun mandac alli nigricushca runataca chashnami alli nina” nirca.

ESTER 6:11 Iomraidhean Croise

ESDRAS 6:13

Chaimantami jatun yacu chimba lado llactata mandac Tatnaipish, Setar-boznaipish, paicunapac huauquicunapish, jatun mandac Darío mandashcata mana cungarishpa tucuita ruhuarca.

ESTER 6:10

Shina nicpimi, jatun mandacca Amantaca: —¡Utca rishpa churanatapish, caballotapish apamugri! ¡Ña apamushpaca, ñuca mandana huasi pungupi tiyacuc Judá llactamanta Mardoqueota can nishca shinallatac ruhuagri. Tucui can nishcata pactachingui!— nirca.

ESTER 6:12

Chai quipaca jatun mandac mandacuc huasi pungullamantacmi Mardoqueoca cutirca. Cutin Amanca yallita llaquirishpami, paipac umata tapashpa, paipac huasiman utca cutirca.

ESTER 8:15

Mardoqueoca jatun mandacpac ñaupamantaca jatun mandaccuna churarina azul yurac churanahuan, jahualla churanatapish lino puchcahuan ruhuashca morado churanata churashca, umapica jatun curi coronata churashcami llucshirca. Chashna churashcata ricushpami, Susa pueblopi causaccunaca yallita cushicurca.

ESTER 9:3

Llactacunapi tucui mandaccunapish, sátrapas nishca mandaccunapish, jatun mandacta serviccunapish Mardoqueota yallita manchashpami Judá gentecunata ayudarcacuna.

PROVERBIOS 27:18

Higo chagrata cuidacca chai yuracunapi pucushcatami micunga. Amo munashcata ruhuac servicca alli nishcami canga.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

SAN LUCAS 1:52

Jatun mandaccunata mandanamanta anchuchishcami. Huacchacunatami jahuaman churashca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.