ESTER 5:2 - Dios Rimashcata Quillcashcami

² Jatun mandacca pungu pambapi Ester shayacucta ricushpaca cushicurcami. Chaimantami paipac maquipi charicuc curi varata Esterpac ladoman ricuchicpi Esterca paipacman cuchuyashpa, chai curi varapi tuparirca.

ESTER 5:2 Iomraidhean Croise

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

ESTER 2:9

Ester soltera Hegaipac ñaupapi alli ricuricpimi, yallita alli nishpa, sumac churanacunahuan paitarac allichishpa, micunatapish cararca. Shinallatac paita ricuchunca, carihuan manarac chayarishca ashtahuan alli canchis solteracunatami acllarca. Esterca carihuan manarac chayarishca solteracunahuanmi jatun mandacpac huarmicuna causana ashtahuan alli ucuman pusharca.

ESTER 4:11

«Maijan cari cashpa, huarmi cashpa, jatun mandac manapish cayacpi jatun mandacta ricungapac ucuman yaicucpica, huañunami can nishpa mandashcami tiyan. Mana cashpaca, jatun mandac paipac curi varata ñaupaman chutashpa ricuchicpimi mana huañunga. Chaitaca jatun mandacta serviccunapish, jatun mandac mandacuc tucui llactacunapi causaccunapish yachanmi. Ñuca, pai jatun mandacta ricungapacca cai quillaca mana cayashcachu cani» nichunmi cacharca.

ESTER 8:4

Shina mañacpimi jatun mandacca pai charicushca curi varata Esterman chutarca. Chaimantami Esterca jatarishpa, jatun mandacpac ñaupapi shayarishpa,

SALMOS 116:1

Mandac Diostaca cuyanimi. Paimi ñuca mañashcatapish, ñuca caparishcatapish uyarca.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.