ESTER 4:3 - Dios Rimashcata Quillcashcami

³ Jatun mandac imata ruhuachun nishpa quillcashca tucui llactacunaman chayacpimi, Judá llacta gentecunaca yallita llaquirishpa, mana micushpa, yallita huacarcacuna. Achcacunami sharpa churanata churarishpa, uchupata mandashpa siricurcacuna.

ESTER 4:3 Iomraidhean Croise

ESTER 1:1

Jatun mandac Asueroca India llactamanta, Etiopía llactacamanmi patsac ishcai chunga uchilla llactacunata mandacurca.

ESTER 3:12

Shina nicpimi, Amanca huata callari quilla chunga quimsa punzhapi jatun mandacpac quillcaccunata cayarca. Jatun mandac churashca sátrapas nishca mandaccunata, tucui llactapi soldadocunata mandaccunata, tucui gentecunata mandaccunata Amán mandashca shinallatacmi tucui llactapi ima shina quillcanata yachashca shinallatac tucui gentecunapac rimaipi quillcachirca. Jatun mandac Asueropac shutipi quillcashpami, jatun mandacpac sortejas-huan sellarca.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

ESTER 4:2

Chashnami Mardoqueoca jatun mandacpac pungucaman shamurca. Jatun mandacpac ucumanca sharpa churanata churarishcaca mana yaicunachu carca.

ESTER 4:4

Esterta servic carihuan manarac chayarishca solteracunapish, paita cuidac eunuco runacunapish chaipi ima tucucushcatami shamushpa huillarcacuna. Shina huillacpimi, jatun mandac Esterca yallita llaquirishpa, Mardoqueo sharpa churanata llucchichishpa, allita churachichun cacharca. Ashtahuanpish Mardoqueoca mana uyarcachu.

ESTER 9:31

Chai shinami quillcacunapica Judamanta Mardoqueopish, jatun mandac Esterpish mandashca shinallatac ima punzhacuna Purim nishca punzhacunata yuyarichunmi mandashpa quillcarca. Shinallatac mana micushpa, llaquilla cana punzhacunapi ima shina cana cashcata paicunapish, paicunapac huahua huahuacunapish yuyarachunmi mandarca.

JOB 2:8

Shina ruhuacpimi, Jobca uchupapi tiyarishpa, callana paquishcahuan aspiricurcalla.

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

ISAÍAS 58:5

¿Shuc punzha ayunashpa llaquirichunchu acllarcani? ¿Carrizo shina cumurishpa, sharpa churanata churarishpa, uchupapi siririnachu cancunapac ayuno? ¿Cancunaca: “Chashna ayunashpami Mandac Diosta cushichinchic” ninguichicchari?

EZEQUIEL 27:30

Canmantami llaquinayaita caparishpa huacashca uyaringa. Umapi allpata churashpami, uchupapi singunga.

DANIEL 9:3

Chaimantami Mandac Diospacman cutirishpa, ayunashpa, sharpa churanata churarishpa, uchupata tallirishpa, paita yallita mañarcani.

JONÁS 3:6

Nínive llactata jatun mandacpish, chashna huillacpica, pai mandashpa tiyarinamanta jatarishpa, paipac churanata llucchishpa, sharpa churanata churarishpami uchupapi tiyarirca.

SAN MATEO 13:42

Chashna tandachishpami nina hornopi shitanga. Chaipimi huacaihuan quiru caniringa.

SAN MATEO 22:13

Chaimantami jatun mandacca serviccunataca: “Cai runataca chaqui maquita huatashpa, canzha puraman shitaichic. Chaipica huacaihuan quiru canirinami tiyan” nirca.

SAN MATEO 25:30

Cai mana valic servictaca canzhaman llucchishpa purapi shitaichic. Chaipica huacaihuanmi quiru caniringa” nirca.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

1 SAMUEL 11:4

Huillachun cachashca runacuna Saúl causacuc Gabaa puebloman chayashpaca tucui gentecunamanmi cai llaquita huillarca. Chaita uyashpami, tucui gentecuna caparishpa huacarca.