ESTER 4:16 - Dios Rimashcata Quillcashcami

¹⁶ «Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

ESTER 4:16 Iomraidhean Croise

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

GÉNESIS 43:14

Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

2 SAMUEL 10:12

Ñucanchic llactamantapish, ñucanchicta Mandac Diospac pueblocunamantapish sinchita macanacushunchic. Ama manchaichu. Mandac Dios pai munashca shina ruhuachun» nirca.

2 REYES 7:4

Cai puebloman yaicushpaca, yallita yarcai tiyashcamanta huañushunmi. Cutin caipi saquirishpapish huañushunllatacmi. Cunanca, siriocunapac carpacunaman rishunchic. Paicuna mana huañuchicpica, causashunmi, cutin huañuchicpica huañushunchari— nirca.

2 CRÓNICAS 20:3

Shina huillacpimi, Josafatca mancharishpa, Mandac Dios-huan parlangapac yallita llaquirishpa cumurirca. Shina llaquirishpaca, mana micushpa Diosta mañachunmi, tucui Judá llactapi causaccunata mandarca.

ESDRAS 8:21

Chai quipaca Ahava jatun yacu ladopi cashpami ñucanchictapish, ñucanchic huahuacunatapish, ñucanchic ima charishcacunatapish, ñanpi alli pushachun nishpa mana micushpa, llaquirishpa ñucanchic Diosta mañangapac yuyarircani.

ESTER 4:15

Shina nicpimi, Esterca Mardoqueomanca:

ESTER 4:17

Shina nicpimi, Mardoqueo rishpaca, Ester mandashca shinallatac tucui ruhuarca.

ESTER 4:3

Jatun mandac imata ruhuachun nishpa quillcashca tucui llactacunaman chayacpimi, Judá llacta gentecunaca yallita llaquirishpa, mana micushpa, yallita huacarcacuna. Achcacunami sharpa churanata churarishpa, uchupata mandashpa siricurcacuna.

ESTER 5:1

Quimsa punzha tucucpimi, Esterca jatun mandac huarmi churanata churarishpa mandana huasi pungu pambaman yaicushpa shayarirca. Chai pungu pambaca jatun mandac tiyarina chimbapurapimi carca.

ESTER 9:31

Chai shinami quillcacunapica Judamanta Mardoqueopish, jatun mandac Esterpish mandashca shinallatac ima punzhacuna Purim nishca punzhacunata yuyarichunmi mandashpa quillcarca. Shinallatac mana micushpa, llaquilla cana punzhacunapi ima shina cana cashcata paicunapish, paicunapac huahua huahuacunapish yuyarachunmi mandarca.

ISAÍAS 22:12

Tucuita Mandac Diosca chai punzhapica yallita llaquirichun, yuyarishpa huacachun, acchata pitirichun, sharpa churanata churarichun cayarca.

JEREMÍAS 36:9

Josiaspac churi jatun mandac Joacim Judá llactata pichca huata iscun quillata mandacucpimi, tucui Jerusalenpi causaccunatapish, Judá llactacunamanta Jerusalenman shamuccunatapish, Mandac Diospac huasipi ayunachun mandarca.

DANIEL 2:18

Shinallatac Danieltapish, paihuan caccunatapish Babiloniapi causac yachaccunata shina huañuchinatami mancharca. Chaimantami jahua pacha Dios llaquishpa ayudachun mañai ningapac rirca.

SAN MATEO 12:40

Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha.

SAN LUCAS 9:24

Maijanpish quiquin causaita llaquicca chingaringami. Maijanpish ñucata caticushcamanta causaita chingachicca huiñaita causangami.

SAN JUAN 19:22

Chaimantami Pilatoca: —Ña quillcashcaca, chashnatacmi cana can— nirca.

HECHOS 10:7

Paihuan parlacuc ángel ricpica, Cornelioca ishcai serviccunata shinallatac Dios yuyailla causac soldadotami cayarca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

HECHOS 27:33

Ña achicyamucpimi, Pabloca tucui chaipi caccunataca: —Ishcai semanatami imata mana micushca, mana sueñushca canguichic. Imallatapish micuichic.

HECHOS 9:9

Chaipimi quimsa punzhata imata mana ricushpa, mana micushpa, mana ubiashpa carca.

ROMANOS 16:4

Paicunaca huañunata mana manchashpami, ñucata ayudarca. Chaimantami pagui nini, ashtahuanpish caishuc cric mana israelcunapish pagui nincunami.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

1 SAMUEL 19:5

Paica huañunatapish mana manchashpami, chai filisteo runata huañuchirca. Chashna ruhuacpimi Mandac Diosca tucui israelcunata llaquimanta llucchirca. Canca chaita ricushpami cushicurcangui. ¿Ima nishpatac manapish juchayuc Davidtaca huañuchishpa yahuarta jichashpa juchalligringui?— nirca.