ESTER 4:14 - Dios Rimashcata Quillcashcami

¹⁴ Can ñucanchicmanta cunan punzhacunapi imata mana ruhuashpa, upalla saquiricpica, maijan shucmi Judá llactapi causaccunataca quishpichinga. Shina cacpipish canca cambac taitapac huasi ucupurandimi huañunguichic. Canca cai llaquimanta ñucanchicta quishpichingapac jatun mandac tucushcataca ¿pitac yachanyari?» nichunmi cacharca.

ESTER 4:14 Iomraidhean Croise

GÉNESIS 22:14

Chaimantami Abrahamca chai urcutaca: «Mandac Diosca ima illashcata cunllami» nishpa shutichirca. Cunancamanmi chai urcutaca: «Mandac Diosca ima illashcata cunllami» nishpa cayancuna.

2 REYES 13:5

Chaimantami Mandac Diosca israelcunapacman shuc quishpichicta cacharca. Pai siriocunapac maquimanta quishpichicpimi, israelcunaca puntaman causashca shina paicunapac carpacunapi causarca.

2 REYES 19:3

Paicuna chaiman chayashpaca: «Ezequiasca: “Cunan punzhaca pingaichishca, rimai tucushca, jatun llaqui punzhapimi canchic. Huahuata shuc huarmi ña sajuarigricushpa fuerza illac saquiric shinami canchic.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.

NEHEMÍAS 6:11

Shina nicpimi ñucaca: —¿Ñuca shina runacunaca miticungapac rinchu? ¿Ama huañuchichun nishpa, Diospac huasipi huichcaringapac rinchu? ¡Ñucaca mana miticungapac rishachu!— nircani.

ESTER 2:15

Esterca Mardoqueopac tio Abihailpac ushimi carca. Mardoqueomi paipac ushita shina huiñachirca. Esterca jatun mandacpacman rina chayacpica, imata mana ruhuarcachu, ashtahuanpish jatun mandacpac huarmicunata cuidac Hegai eunuco mandashcallatacmi ruhuarca. Esterca tucui paita ricuccunapac ñaupapica tucuita atishpa allimi ricurirca.

ESTER 2:17

Jatun mandacca Estertaca tucui huarmicunamanta yallimi ashtahuan cuyarca. Esterca carihuan manarac chayarishca, tucui solteracunamanta yalli allimi jatun mandacpac ñaupapica ricurirca. Chaimantami paitaca jatun mandaccuna churarina coronata paipac umapi churachishpa, Vasti huarmipac randi jatun mandac cachun churarca.

ESTER 2:7

Mardoqueoca paipac tiopac ushi Hadasa nishca Estertami taita mama illac cacpi huiñachirca. Esterca cunan huiñai alli ñahui sumac solterami carca. Esterpac taita, mama huañucpimi, Mardoqueoca quiquin ushita shina huiñachirca.

ESTER 4:13

Paica Estertaca: «Jatun mandacpac huasipi cashpaca Judá llacta gentecuna shina mana huañushachu nishpa pacta yuyacunguiman.

ESTER 4:15

Shina nicpimi, Esterca Mardoqueomanca:

JOB 9:18

Ñucataca samaita aisachunllapish mana saquinchu. Chaipac randica jatun llaquicunahuanmi llaquichin.

ECLESIASTÉS 3:7

Lliquingapacpish, sirangapacpish punzha tiyanmi. Upallangapacpish, rimaringapacpish punzha tiyanmi.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

JEREMÍAS 30:11

Canta quishpichingapacca canhuanmi casha. Ñucami canta caita chaita cacharcani. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami taripasha. Canta llaquichinataca manatac saquishachu. Chaitaca Mandac Dios ñucami nini» ninmi.

JEREMÍAS 46:28

Ñucata servic Jacobolla, ñucami canhuan cani. Chaimanta ama manchaichu. Canta ñuca llucchishpa cachacpi, caita chaita rishpa causana llactacunataca tucuchigrinimi. Shina cashpapish cantaca mana tucui tucuchishachu. Ñuca caita, chaita cachacpimi, shuctac llactacunapi causacungui. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami llaquichisha. Canta llaquichinataca manatac saquishachu» ninmi.

LEVÍTICO 26:42

ñucapish Jacobohuan, Isaac-huan, Abrahamhuan ari nishcatapish, allpata cushami nishcatapish yuyarisha.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

DEUTERONOMIO 32:36

Mandac Diosca pai acllashcacunataca cashcata ruhuashpami taripanga. Paita serviccunata llaquingami. Ña fuerza illac cacpi, pipish mana saquiricpi, prezucunapish, mana prezucunapish mana saquiricpi llaquingami.

JUECES 15:6

Chaimantami filisteocunaca: —¿Pitac caitaca ruhuarcayari?— nishpa tapunacurca. Shina tapunacushpami: —Sansonmi Timnat pueblomanta runa paiman ushita mana cazarachun cushpa paipac ricsishcaman cushcamanta chashna ruhuashca— nirca. Chaimantami filisteocunaca chai huarmitapish paipac taitatapish rupachirca.

1 SAMUEL 12:22

Ashtahuanpish Mandac Diosca paipac shuti jatun cashcamantaca pai acllashcacunata mana chingachingachu. Mandac Diosca paipaclla cachunmi cancunataca acllarca.

1 SAMUEL 17:29

Shina nicpimi Davidca: —Ñucaca ¿Imatatac ruhuashcaniyari? Rimana cashcallatami rimashcani— nirca.