ESTER 3:8 - Dios Rimashcata Quillcashcami

⁸ Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

ESTER 3:8 Iomraidhean Croise

ESDRAS 4:6

Jatun mandac Asuero mandai callari huatapimi Judá llactapi causaccunata, Jerusalenpi causaccunata juchanchishpa quillcashpa cacharcacuna.

NEHEMÍAS 1:8

Cunanca, canta servic Moisesta imata nishcata yuyariyari. Canca: “Cancuna juchata ruhuacpica, tucui llactacunamanmi caita chaita catishpa cachasha.

ESTER 3:9

Can jatun mandacman alli cacpica, tucui paicunata tucuchichun shuc mandashcata quillcai. Chashna ruhuacpica, ñucaca jatun mandacpac mandana huasipi huacaichichunmi chunga huaranga talento cullquita cusha— nirca.

ESTER 4:1

Mardoqueoca tucui chaicunata yachashpami, paipac churanata lliquishpa sharpa churanata churarishpa, uchupahuan cahuirishpa, yallita llaquirishpa, caparishpa huacashpa pueblopi puricurca.

JEREMÍAS 33:24

«Gentecuna: “Mandac Diosca ishcai aillucunata acllashpapish, shitashcami” nishpa rimaricuctaca, ¿manachu uyangui? Chashna nishpaca mana ñuca acllashcacuna cashcatami yuyan.

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

EZEQUIEL 11:16

Chaimanta canca: “Mandac Diosca: Paicunata caru llactacunapi causagrichun cachashpapish, ñucallatacmi ñucata yuyarina huasi shinaca casha” ninmi.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

DANIEL 3:8

Chai punzhallatacmi adivinocunapuramanta maijan jatun mandacpacman shamushpa, Judá gentecunapac contra huillarca.

DANIEL 6:13

Shina nicpimi, paicunaca jatun mandactaca: —Jatun mandaclla, Judá llactamanta prezu apamushcapuramanta Danielca cantapish, can mandashpa shutita churashcatapish mana cazushcachu. Chai mandashcata cazunapac randica, punzhapi quimsa cutinmi Diosta mañan— nirca.

DANIEL 6:14

Shina nicpimi, jatun mandacca yallita llaquirishpa, ima shinapish Danielta quishpichinata munarca. Chashnami inti tigrangacaman ima shinapish quishpichingapac caita chaita yuyarirca.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

NÚMEROS 23:9

Ñucaca jatun urcu patamantapish, lomacunamantapish israelcunataca paicunalla causac cashcatami ricuni. Paicunaca shuctac llactacunahuanpish mana chapuriclla gentecunami nini.

SAN JUAN 7:35

Chaimanta israelcunaca caishuc chaishuc tapunacushpaca: —Ñucanchic mana tarichunca, ¿maimanshi ringa? ¿Ñucanchicpuramanta Grecia llactaman rishcacunapacmanchu risha nin? ¿Chaipichu israelcunata yachachisha nin?

HECHOS 24:5

Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi.

HECHOS 28:22

Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

DEUTERONOMIO 30:3

Mandac Diospish prezumanta cutichimungami. Chashnami Mandac Diosca llaquishpa, mai llactacunaman pai llucchishpa cachashca cashpapish cutinllatac tandachimunga.

DEUTERONOMIO 32:26

Ñucaca tucui israelcunataca shic-huashpa cachashami. Ñucaca ‘paicunataca pipish cai pachapica ama yuyaringachun’ yuyarcanimi.

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

1 PEDRO 1:1

Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.