ESTER 3:7 - Dios Rimashcata Quillcashcami

⁷ Nisán nishca callari quillapi jatun mandac Asuero chunga ishcai huatata mandacucpimi, Pur nishca suerteta ruhuarca. Chaica Judá llacta gentecunata ima punzha, ima quilla, ima huata Amanpac ñaupapi huañuchinata yachangapacmi chashna suerteta ruhuarca. Chai suerteca Adar nishca chunga ishcai quillapimi urmarca.

ESTER 3:7 Iomraidhean Croise

ESDRAS 4:6

Jatun mandac Asuero mandai callari huatapimi Judá llactapi causaccunata, Jerusalenpi causaccunata juchanchishpa quillcashpa cacharcacuna.

ESDRAS 6:15

Chai huasica jatun mandac Darío sucta huatata mandacucpi, Adar quilla quimsa punzhapimi tucurirca.

NEHEMÍAS 2:1

Jatun mandac Artajerjes ishcai chunga huatata mandacucpimi, Nisán nishca quillapi jatun mandacpac ñaupapi vinota japishpa paiman curcani. Utcapica jaicapi paipac ñaupapica mana llaquilla cashcanichu.

ESTER 1:3

Quimsa huatata mandacushpami paipac quipa mandaccunaman, paita serviccunaman shuc jatun micuita ruhuarca. Chaipica Persia llactamanta, Media llactamanta macanacuc sinchi runacuna, shuctac mandaccuna shinallatac, llactata mandaccunami paihuan carca.

ESTER 2:16

Jatun mandac Asuero canchis huatata mandacucpimi, Tebet nishca chunga quillapi Estertaca jatun mandacpacman pushamurca.

ESTER 9:1

Chunga ishcai Adar quilla chunga quimsa punzhapimi, jatun mandac mandashpa quillcashcata pactachina carca. Ashtahuanpish Judá gentecunata piñaccuna sinchita mandai callarina punzhapica Judá llacta gentecunami paicunata piñaccunata mandai callarirca.

ESTER 9:21

Chai quillcacunapica Adar quilla chunga chuscu punzhapipish, chunga pichca punzhapipish huatanta fiestata ruhuachunmi mandashpa cacharca.

ESTER 9:5

Judá gentecunaca tucui paicunata piñaccunata espadahuan huañuchishpa, tucui tucuchishpami paicuna munashcata ruhuashpa llaquichircacuna.

PROVERBIOS 16:33

Mizapimi suertetaca ruhuancuna. Shina cacpipish Mandac Diosmi imata ruhuanataca ricuchin.

SAN MATEO 27:35

Jesusta cruzpi chacatashpaca, suerteta ruhuashpami paipac churanacunata japircacuna.