ESTER 3:5 - Dios Rimashcata Quillcashcami

⁵ Amanca paipac ñaupapi mana cunguricta, mana llaquiricta ricushpami, Mardoqueohuanca yallita piñarirca.

ESTER 3:5 Iomraidhean Croise

ESTER 1:12

Ashtahuanpish jatun mandac Vasti huarmica eunuco runacunata jatun mandac Asuero pushamuchun cachashca cacpipish mana risha nircachu. Chaimantami jatun mandacca yallita piñarirca.

ESTER 3:2

Jatun mandacpac huasi pungupi cuidac tucui serviccunami Amanpac ñaupapi cungurishpa cumurircacuna. Chaitaca jatun mandacllatacmi mandashca carca. Ashtahuanpish Mardoqueoca cai mandashcataca mana cazurcachu.

ESTER 3:4

Punzhanta chashna rimacucpipish Mardoqueoca mana cazurcachu. Paica Judá llactamanta cashcataca ñami huillashca carca. Chaimantami, Mardoqueoca pai nishcata pactachinchu imami nishpa Amanman huillarcacuna.

ESTER 5:9

Chai punzhapica Amanca paipac shungupi yallita cushicushpami llucshirca. Shina cashpapish mandana huasi pungupi Mardoqueo tiyacushpa paita mana cunguricpi, mana cumuricpimi Amanca yallita piñarirca.

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

SALMOS 37:12

Diosta mana manchac runaca cashcata ruhuac runataca quirucuna canirishpami piñan.

PROVERBIOS 12:16

Yuyai illac runaca piñarishcataca utcami ricuchin. Ashtahuanpish alli yuyaiyuc runaca piñarishpapish shungupi chingachinllami.

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.

PROVERBIOS 21:24

Cariyac, jatun tucuc runataca mana cazushpa asic runa nincunami. Yallita cariyashpa mana cazushpami, imatapish ruhuan.

ECLESIASTÉS 10:6

Mana entendic runacunami ashtahuan alli tiyarinapi tiyacun. Ashtahuanpish chariccunaca yangalla tiyanapimi tiyacun.

DANIEL 3:19

Shina nicpimi, Sadrac-huan, Misac-huan, Abed-negohuan yallita piñarishpa ñahui shuctaclaya tucurca. Chaimantami hornotaca canchis cutinhuan yalli rupacyachichun mandarca.