ESTER 3:12 - Dios Rimashcata Quillcashcami

¹² Shina nicpimi, Amanca huata callari quilla chunga quimsa punzhapi jatun mandacpac quillcaccunata cayarca. Jatun mandac churashca sátrapas nishca mandaccunata, tucui llactapi soldadocunata mandaccunata, tucui gentecunata mandaccunata Amán mandashca shinallatacmi tucui llactapi ima shina quillcanata yachashca shinallatac tucui gentecunapac rimaipi quillcachirca. Jatun mandac Asueropac shutipi quillcashpami, jatun mandacpac sortejas-huan sellarca.

ESTER 3:12 Iomraidhean Croise

1 REYES 21:8

Chashna nishpami chai huarmica Acabpac shutipi quillcashpa, paipac sortejasllahuantac sellota churashpa, Nabot causana pueblopi causac cunac yuyaccunaman, mandaccunamanpish cacharca.

ESDRAS 8:36

Chai quipami jatun mandac Artajerjes quillcashcata jatun yacu chimba lado llactata mandac sátrapas nishca mandaccunaman, soldadocunata mandaccunamanpish curcacuna. Paicunami israelcunatapish, Diospac huasita allichichunpish ayudarcacuna.

ESTER 1:22

Chashnami jatun mandacca pai tucui llactacunapi tiyac uchilla llactacunaman, pueblocunaman paicunapac quiquin quillcacunahuan quillcashca shinallatac quiquin rimaipi quillcashpa cacharca. Chai quillcapica, tucui cusaccunami cancunapac huasipica alli cazuchina canguichic. Chaitaca tucui llactacunapi causaccunapac rimaipimi huillana canguichic nishpami cacharca.

ESTER 3:11

Paitaca: —Ñucaman cusha nicushca cullquitaca canllatac japilla. Shinallatac gentecunatapish can munashcata ruhuailla— nirca.

ESTER 8:2

Chaipimi jatun mandacca Amanpac sortejasta quichushpa Mardoqueoman curca. Shinallatac Amanpac huasita ricuchunca Mardoqueotami Esterca churarca.

ESTER 9:27

Judá gentecunaca chai ishcai punzhacunapica paicunaman quillcashca shinallatac paicunapac huahua huahuacunamanpish, paicunapura tandanacushcamanpish, mana cungarishpa pactachingapac, shinallatac ima punzhacunapi ruhuana cashca shinallatac huatanta ruhuangapacmi ari nircacuna.

DANIEL 3:10

Jatun mandaclla, canca cornetapi, flautapi, tamborpi, arpapi, salteriopi, zampoñapi, shuctac tocanacunapi tocashcata uyashpaca tucui gentecuna, curimanta ruhuashca runaman ricchapac ñaupapi cumurishpa adorachunmi mandarcangui.

DANIEL 6:12

Chaimantami chai mandaccuna jatun mandacpacman rishpa, chai mandashcamanta tapushpaca: —Jatun mandaclla, ¿manachu maijanpish shuctac diosta, mana cashpaca cambac randi shuctac runata alli nictaca leoncuna causana jutcupi shitashca cachun, mandashcata quillcashpa, cambac shutita churarcangui?— nirca. Shina nicpimi, jatun mandacca: —Chashnami Media, Persia llactacunapi causaccunapac mandashcacuna shina pi mana shuctayachipacta mandarcani— nirca.

DANIEL 6:15

Shina cacpipish, chai mandaccuna jatun mandacpacman shamushpaca: —Jatun mandaclla, Media, Persia llactacunapi causaccunapac mandashcacuna shinata can jatun mandac churashcataca pi mana shuctacyachipac nicushcataca yuyarinami cangui— nirca.

DANIEL 6:25

Chaimantami jatun mandacca tucui gentecunaman, shuctac llactapi causaccunaman, chican chican rimaita rimaccunaman quillcashpaca: «¡Cushi causaita causaichicyari!

DANIEL 6:8

Jatun mandaclla, Media, Persia llactacunapi causaccunapac mandashcacunata shina quillcashpa, cambac shutita churai. Chai mandashcataca pi mana shuctayachingachu— nirca.