ESTER 3:10 - Dios Rimashcata Quillcashcami

¹⁰ Shina nicpimi, jatun mandacca paipac sortejasta llucchishpa, Judá gentecunata piñac Agageopac huahua huahuapuramanta Hamedatapac churi Amanman curca.

ESTER 3:10 Iomraidhean Croise

GÉNESIS 41:42

Chai quipami, Faraonca paipac maquimanta sortejasta llucchishpa, Josepac maqui dedopi churachirca. Shinallatac sumac lino churanata churachishpami, cungapica sumac curi cadenata churachirca.

ESTER 3:1

Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.

ESTER 3:11

Paitaca: —Ñucaman cusha nicushca cullquitaca canllatac japilla. Shinallatac gentecunatapish can munashcata ruhuailla— nirca.

ESTER 3:9

Can jatun mandacman alli cacpica, tucui paicunata tucuchichun shuc mandashcata quillcai. Chashna ruhuacpica, ñucaca jatun mandacpac mandana huasipi huacaichichunmi chunga huaranga talento cullquita cusha— nirca.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

ESTER 8:2

Chaipimi jatun mandacca Amanpac sortejasta quichushpa Mardoqueoman curca. Shinallatac Amanpac huasita ricuchunca Mardoqueotami Esterca churarca.

ESTER 8:8

Judá llacta gentecunapac ashtahuan ima alli cana cacpica, cancunallatac jatun mandac ñuca shutipi quillcaichiclla. Chaica jatun mandac ñucapac shutipi quillcashpa, jatun mandac ñucapac sortejas-huan sellashcataca pipish mana anchuchi pudinchu— nirca.