ESTER 3:1 - Dios Rimashcata Quillcashcami

¹ Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.

ESTER 3:1 Iomraidhean Croise

GÉNESIS 41:40

Canmi ñuca huasitapish mandangui. Tucui llactacunapi causaccunami cantaca cazunga. Ñucallami jatun mandac cashcamanta canta yalli casha.

GÉNESIS 41:55

Tucui Egipto llactapi causaccunata yarcai japicpica, Faraonmanmi micunata cui ningapac rircacuna. Shina ricpimi, Faraonca tucui Egiptopi causaccunataca: «Josepacman rishpa, pai ima nishcata ruhuaichic» nirca.

ESDRAS 7:14

Cambac Dios mandashca shinallatac Judá llactapi, Jerusalenpi causaccunata ricugrichunmi ñucapish, ñucata canchis cunaccunapish mandanchic.

ESTER 1:14

Jatun mandacpac yallita ricsishcacunaca Carsena, Setar, Admata, Tarsis, Meres, Marsená shinallatac Memucán canchis mandaccunami paipac ladopi carca. Paicunaca jatun mandacpac alli ricsishca, jatun mandana huasipipish alli nishca Persia, Media llactata mandaccunami carca.

ESTER 3:10

Shina nicpimi, jatun mandacca paipac sortejasta llucchishpa, Judá gentecunata piñac Agageopac huahua huahuapuramanta Hamedatapac churi Amanman curca.

ESTER 5:11

Chashna cayachun cachashpami Amanca achcata charic cashcatapish, achca churicunata charishcatapish paicunaman parlarca. Shinallatac paita tucui serviccunamanta tucui mandaccunamanta ashtahuan alli nishca cachun churashcatapish parlarca.

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

ESTER 8:3

Esterca jatun mandac-huan cutin parlanacungapac shamushpami paipac chaqui ñaupapi huacashpa cungurirca. Shina cungurishpami Agageopac huahua huahuapuramanta Amán Judá llacta gentecunata huañuchishpa mana allita ruhuangapac mandashcata anchuchichun mañarca.

SALMOS 12:8

Millai runacunata tucui alli nicpimi, paicunaca maipipish muyucuncuna.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

ECLESIASTÉS 10:6

Mana entendic runacunami ashtahuan alli tiyarinapi tiyacun. Ashtahuanpish chariccunaca yangalla tiyanapimi tiyacun.

DANIEL 6:2

Cutin paicunata mandachunca, quimsa mandaccunatami churarca. Chaica pai ama yallita llaquita apangapacmi, chai quimsa mandaccunamanmi imatapish tapuc carca. Chai quimsa mandaccunapurapica shucca Danielmi carca.

NÚMEROS 24:7

Jicharicuc yacu shinami cangui. Paicunapac miraicunapish achca yacutami charinga. Paicunapac mandacca Agagtapish yallimi canga. Paicuna mandana llactapish jatunyachishcami canga.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.

1 SAMUEL 15:8

Amalecitacunata jatun mandac Agagtaca causacta prezushpami, tucui gentecunataca espadahuan huañuchirca.