ESTER 1:6 - Dios Rimashcata Quillcashcami

⁶ Canzha pambaca yurac, verde, azul sumac pañocunahuan huarcushca, sumacta allichishcami carca. Chai pañotaca lino puchcahuan, yana puca puchcahuan, cullqui argollapi churachishpa mármol pilarcunapi huarcushcami carca. Curi tiyarinacunapish tiyarcami. Shinallatac pambapish sumac alabastro, jacinto yurac yana rumicunahuan ruhuashcami carca.

ESTER 1:6 Iomraidhean Croise

ESTER 7:8

Mandashpa tiyana huasi lado huertamanta jatun mandac ucuman yaicushpaca Amantaca mandac Ester tiyacuc cama jahuapi siricuctami ricurca. Chaita ricushpami Amantaca: —¿Jatun mandac huarmitapish ñuca huasillapitacchu japirisha ningui?— nirca. Jatun mandac chashna nicpimi Amanpac ñahuita taparca.

ESTER 8:15

Mardoqueoca jatun mandacpac ñaupamantaca jatun mandaccuna churarina azul yurac churanahuan, jahualla churanatapish lino puchcahuan ruhuashca morado churanata churashca, umapica jatun curi coronata churashcami llucshirca. Chashna churashcata ricushpami, Susa pueblopi causaccunaca yallita cushicurca.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

EZEQUIEL 23:41

Allichishca miza ladopi cac sumac tiyarinapimi tiyarirca. Chai miza jahuallapitacmi ñuca inciensotapish, aceitetapish churarca.

AMÓS 2:8

Prendashca churanacunapimi maijan altar ladopipish sueñun. Prendamanta cushca vinotami paicunapac dioscunapac huasipi ubiancuna.

AMÓS 3:12

Mandac Diosca: «Samariapi causac israelcunaca ñutunlla tiyarinacunapi, cama esquinapimi tiyarin. Paicunaca shuc michic leonpac shimimanta ishcai oveja chaquita mana cashpaca, ringrita quichushca shinami, ashalla saquiringa» ninmi.

AMÓS 6:4

Marfil camacunapimi sueñunguichic. Maltón cari ovejacunata, maltón huira animalcunatami micunguichic.

1 SAMUEL 28:23

Shina nicpipish Saulca: —Mana micusha ninichu— nirca. Ashtahuanpish, paita serviccunapish, chai huarmipish micuchun nicucllapitacmi micurca. Ña micushca quipaca, pambamanta jatarishpami camapi tiyarirca.