ESTER 1:4 - Dios Rimashcata Quillcashcami

⁴ Pai mandacuc llactaca sumac cashcata, pai sinchita mandacushcata ricuchingapacmi patsac pusac chunga punzhacunata jatun cushicuita ruhuarca.

ESTER 1:4 Iomraidhean Croise

1 CRÓNICAS 29:25

Mandac Diosca tucui israelcunapac ñaupapimi Salomontaca yallita jatunyachirca. Ñaupa Israel llactata jatun mandaccunamanta ashtahuan sumac mandac cachunmi Salomonta churarca.

ESTER 1:3

Quimsa huatata mandacushpami paipac quipa mandaccunaman, paita serviccunaman shuc jatun micuita ruhuarca. Chaipica Persia llactamanta, Media llactamanta macanacuc sinchi runacuna, shuctac mandaccuna shinallatac, llactata mandaccunami paihuan carca.

ESTER 1:5

Chai punzhacuna quipami pai mandana huasi canzhapi canchis punzhata Susa pueblopi causac alli nishca gentecunamanpish, yangalla gentecunamanpish jatun micuita ruhuarca.

JOB 40:10

Shina cashpaca jatun cashcahuan sumacta allichiriyari. Sumaimana cashcahuan, alli nishca cashcahuan churariyari.

SALMOS 145:5

Achic nicuc sumaimana jatun Dios can sumaimana ruhuashcacunata huillacpica, chai sumaimanacunatami yuyaricushalla.

SALMOS 21:5

Can mishachishpami paitaca jatunyachircangui. Tucuipac alli nishca cachunmi ruhuarcanguimi.

SALMOS 45:3

Yalli sinchi runalla, cambac espadata cinturapi huarcuchiyari. Cambac sumac cashcahuanpish, mandana poderhuanpish chumbilliriyari.

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

ISAÍAS 39:2

Chashna cachacpimi, Ezequiasca cushilla paicunata chasquirca. Chaimantami paipac yalli valishcacunata huacaichina huasita ricuchirca. Chaipica cullquipish, curipish, mishquilla ashnacuc jambicunapish, yallita valishca aceitepishmi carca. Shinallatac macanacunata huacaichishca huasitapish, ima shuc sumaccunata huacaichina ucutapishmi ricuchirca. Ezequiasca imata mana pacashpami paipac huasipi, pai mandacuc llactacunapi tucui ima tiyashcacunata ricuchirca.

EZEQUIEL 28:5

Catunata, randinata alli yachashpami, yallita chayucyarcangui. Chaimantami cambac shungupica jatun tucushcangui.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

DANIEL 4:36

Chai horasllatacmi yuyaita japircani. Ñuca mandana llactatapish allichishpa cutinllatac alli nishcami carca. Shinallatac ñucata ayudashpa mandaccunapish, ñucata cunaccunapish cutinmi ricuc shamurca. Chashnami ñuca mandana llactataca cutin mandacurcani. Ashtahuan alli nishca mandacmi tucurcani.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

SAN MATEO 4:8

Diabloca Jesusta jatun urcuman pushashpa, tucui llactacunapi ima tiyashca sumaccunata ricuchishpaca:

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

ROMANOS 9:23

Diosca sumaimana cashcata ricuchingapacmi, ñaupamanta pacha cuyac cashcata ñucanchicman ricuchirca. Chaitaca ñaupamanta pachami, allichishca carca.

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

COLOSENSES 1:27

Chashnami Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.

APOCALIPSIS 4:11

«¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic» nishpami, alli nicurcacuna.