ESDRAS 9:8 - Dios Rimashcata Quillcashcami

⁸ Ashtahuanpish cunanca ñucanchicta Mandac Dioslla, maijancunallatapish llaquichishpa, llaquimanta llucchishpa, imata mana manchashpa, cambac huasipi allita causachunmi llucchishcangui. Ñucanchic Dioslla, shuccunata servishpa causacucpi, samachingapacmi ñahuita pascac shina, sumac punzhata ñucanchicman ricuchishcangui.

ESDRAS 9:8 Iomraidhean Croise

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

NEHEMÍAS 9:31

Ashtahuanpish canca, yallita llaquic, mana piñaric, Dios cashpami mana tucuchircangui, mana saquircangui.

JOB 33:30

Paitaca enterrana jutcuman rinamanta quishpichingapac causaita cuc luz-huan achicyachingapacmi chashnaca ruhuan.

SALMOS 13:3

¡Mandac Dioslla, ñucata ricushpa uyaiyari! Achic punzhata ricuchun saquiyari, huañuchunca ama saquichu.

SALMOS 13:4

Ñucata piñacca: «¡Mishanimi!» ningami. Ñucata piñaccunaca ñuca urmacpica cushicungami.

SALMOS 138:7

Yalli llaquicuna chaupipi puricucpipish canmi ñuca causaita cuidangui. Ñucata piñaccuna yallita piñaricpipish, cambac alli maquihuanmi misashpa quishpichingui.

SALMOS 34:5

Mandac Diosta chapaccunaca cushilla ñahuimi tucurca. Paicunaca mana pingaichishcachu carca.

SALMOS 85:6

Can acllashca ñucanchic canmanta cushicuchun, ¿manachu cutin causaita cugringui?

PROVERBIOS 29:13

Huaccha runapish, cullquita mañachishpa llaquichic runapish chashnallatacmi. Mandac Diosca chai ishcaimantacmi ñahuita cun.

ECLESIASTÉS 12:11

Jatun yachaccuna allichishca rimaicunaca puntasapa fierro shinami. Yuyaicunata tandachishpa quillcashca rimaicunaca allita clavashca clavocuna shinami. Chai shimicunataca shuc michicmi curca.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 14:3

Mandac Dios israelcunata nanaimantapish, yalli llaquimantapish, llaquita servichishpa causanamantapish samachi punzhapi,

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

JEREMÍAS 42:2

Dios ima nishcata huillac Jeremiaspacman shamurca. Paicunaca: —Ñucanchic mañashcata uyaiyari. Ñucanchicmantapish, maijan saquirishca gentecunamantapish Mandac Diosta mañaiyari. Ñucanchicca achca cashpapish ashallami saquirishcanchic. Chaitaca canllatac ricunguimi.

JEREMÍAS 44:14

Puchushca Judá llacta gentecunaca Egipto llactapimi causangapac rirca. Chaicunamantaca shucllapish mana causac saquiringachu. Judá llactapi causangapac cutingapacca shucllapish mana saquiringachu. Paicunaca Judá llactaman cutishpa, causanatami yallita munan. Shina cashpapish, mana cuti pudingachu. Maijan miticushpa llucshiccunallami Judá llactamanca cutinga» nirca.

EZEQUIEL 14:22

Chai pueblopica asha churicuna, ushicunallami saquiringa. Shina cacpipish, paicunataca llucchishpami apanga. Paicuna cancunapacman shamucpimi, paicuna ima shina causashcatapish, imata ruhuashcatapish ricunguichic. Chaita ricushpami, Jerusalenpi causaccunata ñuca ima shina llaquichishcamanta cushicunguichic.

OSEAS 6:2

Ishcai punzha quipaca ñucanchicman causaita cungami. Quimsa punzha quipaca jatarishpami paipac ñaupapi causashun.

HABACUC 3:2

Mandac Dioslla, can rimashcata uyashpaca mancharircanimi. Mandac Dioslla, can ruhuashcacunata ricushpa mana amirinimi. ¡Ñaupa huatacunapi ruhuashcata cunan punzhacunapi ricuchiyari! Can piñarishca cashpapish llaquiyari.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

ZACARÍAS 10:4

Paicunamantami esquinapi churana rumipish, jatun ishtacapish llucshinga. Paicunallamantatacmi macanacuna arcopish, mandaccunapish llucshinga.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

ZACARÍAS 8:6

Chai punzhacunapica saquirishca gentecunamanca mancharinami ricuringa. Shina cacpipish, ñucamanca mana mancharinachu canga. Chaitaca Mandac Dios ñucami nini.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

1 SAMUEL 14:27

Ashtahuanpish Jonatanca paipac taita tucui gentecunata ama micunguichicchu nishpa ari nichishcataca mana uyashcachu carca. Chaimantami pai charicushca caspi puntata chai mishqui harneropi satishpa micushpa sinchiyarca.

1 SAMUEL 14:29

Chashna nicpimi Jonatanca: —Ñuca taitaca cai llactapi causaccunataca pandachishcami. Riquichic, abeja mishquita ashata mallishpaca ashtahuan sinchiyanimi.