ESDRAS 9:6 - Dios Rimashcata Quillcashcami

⁶ mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

ESDRAS 9:6 Iomraidhean Croise

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

1 REYES 8:47

Paicunaca prezu apashca llactapi cashpami, canta mana cazushcata yuyaringacuna. Shina yuyarishpa, paicuna mañashpaca: “Juchatami ruhuashcanchic. Millaita ruhuashpami pandarishcanchic” ningacunami.

2 CRÓNICAS 28:9

Mandac Dios ima nishcata huillac Obedmi Samaria pueblopi causacurca. Paimi Samaria puebloman soldadocuna chayacucpi, tupangapac llucshishpaca: —Cancunapac ñaupa taitacunata Mandac Diosca Judá llactapi causaccunahuan piñarishpami, cancunapac maquipi churarca. Cancunaca jahua pachaman chayacta yallita piñachishpami, achcata huañuchircanguichic.

ESDRAS 9:13

Ashtahuanpish ñucanchic mana allita ruhuashcamanta, ñucanchic yallita juchata ruhuashcamantaca cai tucui llaquicunami shamushca. Shina cacpipish, ñucanchic Dioslla, ñucanchic mana allita ruhuashca shina mana llaquichishpami, cai ashallatapish saquishcangui.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

NEHEMÍAS 1:6

Cunanca, canta servic israelcunamanta canta servic ñuca cambac ñaupapi tutapish, punzhapish mañashcata cambac ringrihuan uyaiyari. Cambac ñahuihuanpish ricuiyari. Canta servic ñucanchic israelcuna juchata ruhuashpa, canta piñachishcatami huillani. Ari, ñucapish, ñuca taitapac huasi ucupurapish juchata ruhuashcanchicmi.

JOB 40:4

«Mandac Dioslla, ñucaca imapish mana canichu. ¿Imatatac cantaca nishayari? Chaipac randica ñuca maquihuanmi shimita jarcarini.

JOB 42:6

Chaimantami yallita llaquirishpa, ñuto allpapi, uchupapi tiyarini» nirca.

SALMOS 38:4

Ñuca millaita ruhuashcami ñucataca ñiticun. Jatun quipi shinami ñuca jahuapi llashacun.

SALMOS 38:5

Yuyai illac shina ima mana allita ruhuashcamantami ñuca cuerpoca sisushpa ashnacun.

ÉXODO 32:31

Chashna nishpa, Moisés Mandac Diospac ñaupaman rishpa mañashpaca: —Israelcunaca curimanta diosta ruhuashpami, jatun juchata ruhuashca.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 59:12

Ñucanchicca cambac ñaupapi yallitami mana cazushcanchic. Ñucanchicpac juchacunallatacmi ñucanchic mana alli cashcata ricuchin. Ñucanchicca millaita ruhuanataca mana saquishcanchicchu. Chaitaca yachanchicmi.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

JEREMÍAS 31:19

Canmanta caruyashca quipaca yallitami llaquirini. Ñucaca mana allita ruhuashcata yuyarishpami shungupi huactarircani. Huambrarac cashpa juchata ruhuashcamantami yallita pingaihuan cani. Chaitaca manatac cungarishachu” nishpa, huacactami uyarcani.

JEREMÍAS 51:9

Babilonia llactata jambisha nircanchicmi. Shina cacpipish, mana alliyarcachu. Paicunapac juchata taripashpa llaquichinaca jahua puyucaman, jahua pachaman jundashcami. Chaimanta paicunata saquishpa, ñucanchic llactacunaman jacuchiclla.

JEREMÍAS 6:15

¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

LAMENTACIONES 3:42

“Ñucanchicca mana cazushpami canta llaquichircanchic. Chaimantami ñucanchic juchataca mana perdonarcangui.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

SAN LUCAS 15:21

Paipac churica: “Taitito, Diostapish, cantapish piñachishpami, juchallishcani. Cunanca ña mana cambac churi shinachu cani” nirca.

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

APOCALIPSIS 18:5

Paicunapac juchacunaca ashtahuan ashtahuan mirarishpami, jahua pachacaman chayashca. Shinallatac tucui paicunapac juchata ricushpami, Diosca llaquichinata yuyarishca.