ESDRAS 8:36 - Dios Rimashcata Quillcashcami

³⁶ Chai quipami jatun mandac Artajerjes quillcashcata jatun yacu chimba lado llactata mandac sátrapas nishca mandaccunaman, soldadocunata mandaccunamanpish curcacuna. Paicunami israelcunatapish, Diospac huasita allichichunpish ayudarcacuna.

ESDRAS 8:36 Iomraidhean Croise

ESDRAS 6:13

Chaimantami jatun yacu chimba lado llactata mandac Tatnaipish, Setar-boznaipish, paicunapac huauquicunapish, jatun mandac Darío mandashcata mana cungarishpa tucuita ruhuarca.

NEHEMÍAS 2:7

Shina nicpipish jatun mandactaca: —Canman alli cacpica, Judá llactaman ñuca ricucpi, ama jarcachun jatun yacu chimba lado llactacunata mandaccunaman shuc quillcata cachai.

ESTER 3:12

Shina nicpimi, Amanca huata callari quilla chunga quimsa punzhapi jatun mandacpac quillcaccunata cayarca. Jatun mandac churashca sátrapas nishca mandaccunata, tucui llactapi soldadocunata mandaccunata, tucui gentecunata mandaccunata Amán mandashca shinallatacmi tucui llactapi ima shina quillcanata yachashca shinallatac tucui gentecunapac rimaipi quillcachirca. Jatun mandac Asueropac shutipi quillcashpami, jatun mandacpac sortejas-huan sellarca.

ESTER 9:3

Llactacunapi tucui mandaccunapish, sátrapas nishca mandaccunapish, jatun mandacta serviccunapish Mardoqueota yallita manchashpami Judá gentecunata ayudarcacuna.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

HECHOS 18:27

Acaya llactaman Apolos risha nicpica, Efeso pueblo criccunaca, chai llacta criccuna paita alli chasquichunmi shuc quillcata cacharca. Acaya llactaman chayashpaca, Dios cuyashcallamanta criccunataca yallitami ayudarca.

APOCALIPSIS 12:16

Ashtahuanpish huarmita ama yacu apachunmi, allpa pascarishpa chai culebra shitashca yacutaca ucuyachirca.