ESDRAS 8:21 - Dios Rimashcata Quillcashcami

²¹ Chai quipaca Ahava jatun yacu ladopi cashpami ñucanchictapish, ñucanchic huahuacunatapish, ñucanchic ima charishcacunatapish, ñanpi alli pushachun nishpa mana micushpa, llaquirishpa ñucanchic Diosta mañangapac yuyarircani.

ESDRAS 8:21 Iomraidhean Croise

2 CRÓNICAS 20:3

Shina huillacpimi, Josafatca mancharishpa, Mandac Dios-huan parlangapac yallita llaquirishpa cumurirca. Shina llaquirishpaca, mana micushpa Diosta mañachunmi, tucui Judá llactapi causaccunata mandarca.

2 CRÓNICAS 20:4

Shina huillacpimi, Judá llactapi causaccunaca tucui Judá pueblocunamanta Mandac Diosta ayudaiyari nishpa mañangapac shamurcacuna.

ESDRAS 8:15

Ñucahuan shamuccunataca Ahava pueblota pasacuc yacu ladopi tandachishpami carpacunata shayachishpa, quimsa punzhata chaipi carcanchic. Chaipica israelpurapipish, curacunapurapipish levitacunata mashcashpaca mana tarircanichu.

ESDRAS 8:31

Huata callari chunga ishcai punzhapimi Ahava jatun yacu ladomanta Jerusalenman ringapac llucshi callarircanchic. Chai ñantaca ñucanchic Diosmi ñucanchicta piñaccunamantapish, ñanpi chapac shuhuaccunamantapish cuidashpa pushamurca.

NEHEMÍAS 9:1

Chai quilla ishcai chunga chuscu punzhapimi israelcunaca llaquilla tucushpa, sharpa churanata churarishpa, allpata umapi tallishpa ayunangapac tandanacurca.

ESTER 4:16

«Cai Susa pueblopi causac Judá gentecunata tandachic. Shina tandanacushpa ñucamanta quimsa punzha, quimsa tutata mana micushpa mana ubiashpa ayunaichic. Ñucapish, ñucata servic carihuan manarac chayarishca solteracunapish chashnallatacmi ruhuashun. Chai quipami jatun mandac-huan parlangapac rigrini. Mandashcapi chaiman mana yaicunachu nicuchunpish, ñucata huañuchina cacpipish rigrinimi» nichunmi cacharca.

SALMOS 137:1

Babilonia llacta yacu ladocunapi tiyarishpami, Sión pueblota yuyarishpa huacac carcanchic.

SALMOS 5:8

Mandac Dioslla, ñucata piñaccuna llaquichigricucpica, cashcata ruhuachishpa pushaiyari. Cambac alli ñanta pushaiyari.

SALMOS 5:9

Paicunaca llullallatami rimancuna. Paicunapac shunguca millai jundami. Paicunapac cungurica enterrana jutcuta pascashca shinami.

SALMOS 8:2

Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

ISAÍAS 58:5

¿Shuc punzha ayunashpa llaquirichunchu acllarcani? ¿Carrizo shina cumurishpa, sharpa churanata churarishpa, uchupapi siririnachu cancunapac ayuno? ¿Cancunaca: “Chashna ayunashpami Mandac Diosta cushichinchic” ninguichicchari?

JEREMÍAS 10:23

Mandac Dioslla, causaica mana runapacchu. Pipish quiquin causaitaca mana mandai pudinchu. Chaitaca yachanimi.

JEREMÍAS 42:3

Canta Mandac Dios maijan ñanta catinatapish, imata ruhuanatapish ñucanchicman yachachichun mañaiyari— nirca.

DANIEL 9:3

Chaimantami Mandac Diospacman cutirishpa, ayunashpa, sharpa churanata churarishpa, uchupata tallirishpa, paita yallita mañarcani.

JOEL 1:14

Tandanacuchun, ayunachun cayaichicyari. Pushac yuyaccunatapish, cai llactapi tucui causaccunatapish, cancunata Mandac Diospac huasiman tandachishpa, Mandac Diosta caparishpa mañaichicyari.

LEVÍTICO 16:29

Caicunaca huiñaita ruhuachun mandashcami canga. Canchis quilla chunga punzhapica cancunapish, shuctac cancunahuan causaccunapish imata mana ruhuashpami llaquirishpa samarina canguichic.

LEVÍTICO 16:31

Chai punzhaca samarishpa, tucui shunguhuan llaquirina punzhami canga. Cai mandashcacunaca huiñaita chashnatac ruhuana mandashcami.

LEVÍTICO 23:29

Maijanpish chai punzhapi mana ayunacca israelpuramanta anchuchishcami canga.

JONÁS 3:5

Chashna huillacpimi, Nínive llactapi causaccunaca Mandac Diosta crishpa, uchillamanta callarishpa, yuyaccunacaman sharpa churanata churarishpa ayunarca.

JONÁS 3:7

Jatun mandacpish, pai churashca mandaccunapish Nínive llactapi huillachun mandashpaca: «¡Runacunapish, animalcunapish, huagracunapish, ovejacunapish, ima shuctac animalcunapish ama micuchun! ¡Shinallatac ama michichun, ama yacuchichun!

NÚMEROS 14:3

Mandac Diosca, ¿imamantatac ñucanchic huarmicuna, huahuacuna espadahuan piñaccunapac maquipi huañuchishca cachun cai llactamanca apamurca? ¿Manachu Egipto llactallamantac cutina alli canman?» nirca.

NÚMEROS 14:31

Ashtahuanpish cancunapac huahuacunami, cancuna mana nishca allpataca japinga. Cancunaca: Ñucanchic huahuacunataca ñucanchicta piñaccunami japishpa aparinga nircanguichicmi. Shina cacpipish, paicunami chai llactataca japinga.

HECHOS 2:39

Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

JUECES 20:26

Shina huañuchicpimi, israelcunapish, macanacuc runacunapish huichai rishpa, Mandac Diospac ñaupapi chishiyangacaman huacashpa, ayunashpa carca. Shinallatac Diosman cushpa tucui rupachishpa, Dios-huan alli tucungapac animaltapish curcacuna.

1 SAMUEL 7:6

Israelcunaca Mizpa pueblopi tandanacushpami yacuta llucchishpa, Mandac Diospac ñaupapi tallirca. Chai punzhami ayunashpa: «Juchata ruhuashpami Mandac Diostaca llaquichishcanchic» nirca. Samuelca israelcuna piñanacushcamantaca Mizpa pueblopimi allichirca.