ESDRAS 7:8 - Dios Rimashcata Quillcashcami

⁸ Jatun mandac Artajerjes canchis huata pichca quillata mandacucpimi, Esdrasca Jerusalenman chayamurca.

ESDRAS 7:8 Iomraidhean Croise

ESDRAS 10:9

Chaimantami manarac quimsa punzhapi Judapac, Benjaminpac aillucunaca iscun quilla ishcai chunga punzhapi Jerusalenpi tandanacurca. Tucui gentecunami Diospac huasi canzha pambapi paicuna mana allita ruhuashcamantapish, tamyamantapish chucchushpa tiyacurcacuna.

ESDRAS 7:7

Jatun mandac Artajerjes canchis huatata mandacucpimi, maijan israelcunapish, curacunapish, levitacunapish, cantaccunapish, pungupi cuidaccunapish, Diospac huasipi servishpa causaccunapish paihuan Jerusalenman cutircacuna.

ESDRAS 7:9

Paicunaca callari quilla, callari punzhapimi Babiloniamanta llucshircacuna. Chai huata, pichca quilla callari punzhapimi Esdrasca Jerusalenman chayamurca. Diospac maquica paihuanmi carca.

ESDRAS 8:32

Jerusalenman chayamushpaca, quimsa punzhatami chaipi samarircanchic.

ESDRAS 9:9

Ñucanchic chashna servishpa causacucpipish, ñucanchic Dioslla, mana saquishpami, Persia llactata jatun mandacpac ñaupapipish ñucanchicta llaquishcata ricuchircangui. Cambac huasi tigrashcata, urmashcata cutin shayachichunmi causaita curcangui. Judá llactapipish Jerusalenpipish cuidashcanguimi.

ESTER 2:16

Jatun mandac Asuero canchis huatata mandacucpimi, Tebet nishca chunga quillapi Estertaca jatun mandacpacman pushamurca.

DANIEL 9:25

Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.