ESDRAS 7:6 - Dios Rimashcata Quillcashcami

⁶ Esdrasca israelcunata Mandac Dios Moisesman cushca mandashcata allita yachacmi carca. Jatun mandac Artajerjesca Esdras Mandac Diospac poderhuan cacpimi, pai ima mañashcata cuc carca.

ESDRAS 7:6 Iomraidhean Croise

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

ESDRAS 5:5

Ashtahuanpish Diosllatac Judá llacta pushaccunata cuidacucpimi, Persia llactata jatun mandac Darioman huillacpi, pai imatapish quillcangacaman mana jarcai pudircacuna.

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

ESDRAS 7:21

Jatun mandac Artajerjes ñucami jatun yacu chimba ladopi ñuca tucui cullquita huacaichiccunataca jahua pachapi causac Dios mandashcata quillcac Esdras cura imata mañacpica, utca cunguichic.

ESDRAS 7:28

Shina alli yuyaita cucpimi, jatun mandacpish, paita cunaccunapish, paita servic sinchi mandaccunapish yallita ayudarca. Mandac Dios ñucahuan cacpimi, sinchiyashpa israelcunata mandaccunatapish Jerusalenman ñucahuan cutimuchun tandachircani.

ESDRAS 7:5

Buquica Abisuapac churi, Abisuaca Fineespac churi, Fineesca Eleazarpac, Eleazarca Aaronpac churimi carca. Aaronca punta curami carca.

ESDRAS 7:9

Paicunaca callari quilla, callari punzhapimi Babiloniamanta llucshircacuna. Chai huata, pichca quilla callari punzhapimi Esdrasca Jerusalenman chayamurca. Diospac maquica paihuanmi carca.

ESDRAS 8:1

Artajerjes mandacui punzhacunapi Babilonia llactamanta ñucahuan cutimuc ñaupa taitacunapac huasi ucupurata mandaccunaca:

ESDRAS 8:18

Ñucanchicta ayudac Dios ayudacpimi, shuc alli yachac runata pushamurca. Paica Israelpac churi Levipac nieto Mahlipac huahuapuramanta Serebías levitami carca. Paipac churicunandi, huauquicunandica chunga pusacmi shamurca.

ESDRAS 8:22

Utcapi ñucanchicca jatun mandactaca: «Ñucanchic Diosca paita tucui shunguhuan caticcunataca imamantapish cuidanmi. Ashtahuanpish paimanta caruyaccunataca yallita piñashpa, paipac poderhuan llaquichinmi» nircanchic. Chaimantami ñucanchicta ñanpi cuidachun soldadocunata, caballopi ric soldadocunata jatun mandacman mañanataca pinganayarca.

ESDRAS 8:31

Huata callari chunga ishcai punzhapimi Ahava jatun yacu ladomanta Jerusalenman ringapac llucshi callarircanchic. Chai ñantaca ñucanchic Diosmi ñucanchicta piñaccunamantapish, ñanpi chapac shuhuaccunamantapish cuidashpa pushamurca.

NEHEMÍAS 12:26

Paicunaca Jesuapac churi Joiacim, mandac Nehemías, quillcac Esdras causacui punzhacunapimi cuidaccuna carca. Joiacimca Josadacpac nietomi carca.

NEHEMÍAS 12:36

Paicunapac huauquicuna Semaías, Azarael, Milalai, Gilalai, Maai, Natanael, Judá, shinallatac Hananica Diosta servic Davidpac tocanacunapimi tocashpa ricurca. Paicunapac ñaupataca quillcac Esdrasmi rirca.

NEHEMÍAS 2:12

ñucaca tuta jatarishpa maijan runacunahuan rircani. Paicunamanca Jerusalenpi ñucata imata ruhuachun Dios yuyaita cushcataca mana huillarcanichu. Ñucallami caballopi montashca carcani. Shuctac caballocunaca mana tiyarcachu.

NEHEMÍAS 2:18

Dios paipac maquihuan ñucata ayudacushcatapish, jatun mandac ñucata imata nishcatapish ñuca huillacpimi paicunaca: —¡Shinaca, allichi callaringapac jatarishunchic!— nircacuna. Shinami caishuc chaishuc ashtahuan sinchiyashpa allichi callarircacuna.

NEHEMÍAS 2:8

Shinallatac Diospac huasi ladopi tiyac huasi pungucunata pueblo pircacunata, ñuca causana huasitapish ruhuangapac caspicunata cuchun, can jatun mandacpac sachacunata cuidac Asafman shuc quillcata cachai— nircani. Mandac Dios ñucahuan cacpimi, jatun mandacca ari nircalla.

NEHEMÍAS 4:15

Paicuna llaquichigricushcata ñucanchic ña yachac chayashcata, shinallatac Dios paicuna yuyaricushcata yangapi churashcata paicuna yachac chayacpimi, ñucanchicca jatun pircata ruhuashpa catircanchic.

NEHEMÍAS 8:1

Shina cacpimi tucui gentecunaca yacuman llucshina pungu chimba lado plazapi shuc yuyailla tandanacurca. Chaipimi quillcac Esdrastaca Mandac Dios israelcunaman cuchun Moisesman cushca quillcashcata apamui nircacuna.

NEHEMÍAS 8:13

Chai cayandi punzhami tucui gentecunapac familiacunata mandaccunapish, curacunapish, levitacunapish chai mandashca shimicunata yachacungapac quillcac Esdras-huan tandanacurca.

NEHEMÍAS 8:4

Quillcac Esdrasca shayaringapac caspihuan ruhuashca jahuapimi chai quillcataca rezacurca. Paipac alli ladopica Matatías, Sema, Anías, Urías, Hilcías, shinallatac Maasiasmi shayacurca. Lluqui ladopica Pedaías, Misael, Malquías, Hasum, Hasbadana, Zacarías, shinallatac Mesulammi shayacurca.

NEHEMÍAS 8:9

Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

NEHEMÍAS 9:13

Sinaí urcuman shamushpami, jahua pachamanta rimarcangui. Chaipimi cashcata nic yachachishcacunatapish, mana llullac mandashcacunatapish, allita pactachinacunatapish, mandashcacunatapish curcangui.

SALMOS 109:27

Chashna ayudacpimi, cambac maquihuan ruhuashcata yachangacuna. Can Mandac Diosllatac chashna ruhuashcatami yachangacuna.

SALMOS 147:19

Paimi Jacobopac huahuacunaman pai rimashcataca huillarca. Israelcunamanca mandashcacunatapish, pactachichun cushca shimicunatapish curcami.

SALMOS 45:1

Ñuca shungumantaca sumac shimicunami llucshin. Jatun mandacmanmi cantacuni. Ñuca calluca utca quillcac runapac quillcana pluma shinami.

SALMOS 80:18

Chashna ruhuacpica, canmanta mana anchurishpa, can cushca causaihuanmi cambac shutita alabashun.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 59:1

Riquichic, cancunata quishpichingapacca Mandac Diospac poderca mana chingarishcachu. Cancuna mañashcata mana uyangapacca, paipac ringrica mana huichcarishcachu.

JEREMÍAS 8:8

Chai mandashcacunata llullashpa, yapachishpa quillcashpaca, ¿ima nishpatac cancunaca: “Ñucanchicca alli yachacmi canchic. Mandac Dios mandashcataca ñucanchicmi charinchic” ninguichic?

SAN MATEO 13:52

Chashna nicpimi Jesusca: —Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.

SAN MATEO 23:2

«Mandashcacunata yachachiccunapish, fariseocunapish Moisés mandashcata yachachiccuna tiyarinapimi tiyarin.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

1 CORINTIOS 1:20

Shinaca, ¿maipitac chai yachaisapaca? ¿Maipitac chai yachachicca? ¿Maipitac cai pacha yachaimanta ricuchicca? Cai pachamanta yachaitaca Diosmi pucllaita shina ruhuashca.

1 CORINTIOS 15:1

Cuyashca criccuna, ñuca alli huillaita huillashcata yuyarichunmi munani. Chai huillaita chasquishpami, mana saquishpa catiracunguichic.

DEUTERONOMIO 28:1

Cunan ñuca huillashca mandashcacunata pactachingapac Mandac Dios tucui rimashcata uyacpica, paica cancunataca tucui llactacunamanta yalli ashtahuan jatun llactatami ruhuanga.

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.