ESDRAS 7:27 - Dios Rimashcata Quillcashcami

²⁷ ¡Ñucanchic taitacunata Mandac Diosca yallita alli nishca cachun! ¡Mandac Diosca paillatacmi paipac huasita alli nichun jatun mandacpac shungupi yuyaita cushca! ¡Paica Jerusalenpimi can!

ESDRAS 7:27 Iomraidhean Croise

2 CRÓNICAS 31:8

Ezequiaspish, mandaccunapish chai grano montoncunata ricungapac rishpaca, Mandac Diosta allimari cangui nishpami, Dios acllashca israelcunatapish bendiciarcacuna.

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

NEHEMÍAS 2:12

ñucaca tuta jatarishpa maijan runacunahuan rircani. Paicunamanca Jerusalenpi ñucata imata ruhuachun Dios yuyaita cushcataca mana huillarcanichu. Ñucallami caballopi montashca carcani. Shuctac caballocunaca mana tiyarcachu.

NEHEMÍAS 2:8

Shinallatac Diospac huasi ladopi tiyac huasi pungucunata pueblo pircacunata, ñuca causana huasitapish ruhuangapac caspicunata cuchun, can jatun mandacpac sachacunata cuidac Asafman shuc quillcata cachai— nircani. Mandac Dios ñucahuan cacpimi, jatun mandacca ari nircalla.

NEHEMÍAS 7:5

Dios yuyaita cucpimi, alli nishcacunatapish, mandaccunatapish shuctac gentecunatapish paicunapac ñaupa taitacunapac shuticunata ima shina, quillcashca shinallatac quillcachichun tandachircani. Chashnami puntapi cutimushca taitacunapac shuticunata quillcashcata tarircani. Chai quillcashcapica:

ÉXODO 8:9

Chaimantami Moisesca Faraontaca: —Can mandashpa tiyana huasimantapish, canta serviccunamantapish, cambac gentecunamantapish sapocuna anchurishpa, yacullapi causachunca, ¿ima horatac mañachun ningui? Chaita huillailla— nirca.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

ISAÍAS 60:13

Líbano urcu sumac yuracunamantami ciprés, pino, boje sumac yuracunata apamunga. Chaicunahuanmi ñuca saruna huasitaca sumacta ruhuashpa allichisha.

SAN LUCAS 7:5

Paica ñucanchic llactata cuyacmi. Paillatacmi ñucanchic tandanacuna huasitapish shayachichirca— nishpa mañarca.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Dios cushcamantami, paitaca pagui nicuni.

FILIPENSES 4:10

Cancuna cutin ñucata yuyarishcamantaca, Apunchic Jesusmantami mai cushicuni. Cancunaca mana cungarinamantachu mana yuyarishcanguichic, ashtahuanpish ima shina mana cachaipac cacpimi, mana cacharcanguichic.

HEBREOS 10:16

«Mandac Diosca: “Shamuc punzhacunapica, paicunahuan ari nishpami, ñuca mandashcacunata paicunapac shungupi churasha. Paicunapac yuyaipimi, quillcashca shinami churasha” ninmi.

HEBREOS 8:10

Quipa punzhacunapi israelcunahuan ari ninacushpaca, ñuca mandashcacunataca paicunapac yuyaipimi churasha. Paicunapac shungupimi, quillcashca shina churasha. Ñucaca paicunapac Diosmi casha, paicunaca ñuca huahuacunami canga.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

APOCALIPSIS 17:17

Diosllatacmi paicuna imata ruhuashpapish, pai munashcata ruhuachun, shinallatac Dios huillashcacuna pactangacaman shuc yuyailla tucushpa, chai manchana animalman mandanata cuchun shungupi yuyaita curca.