ESDRAS 7:25 - Dios Rimashcata Quillcashcami

²⁵ Shinallatac can Esdrasca cambac Diosmanta yachac cashca shinallatac, jatun yacu chimba ladopi causaccunata, Dios mandashcata tucui yachaccunata mandachun juezcunata, mandaccunata churangui. Chai mandashcacunata maijan mana yachacpica yachachingui.

ESDRAS 7:25 Iomraidhean Croise

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

GÉNESIS 41:39

Shina nishpami, Faraonca Josetaca: —Tucui caicunataca Diosmi canmanca yachachishca, can shina yachac yuyaisapa runaca maipi mana tiyanchu.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

2 REYES 17:27

Chashna huillacpimi, Asiria llactata jatun mandacca: «Chai llactapi Dios mandashcata yachachichun, chai llactallamantatac apamushca maijan curacunata chaipi causachun churaichic» nirca.

1 CRÓNICAS 22:12

Can israelcunata mandacucpi, canta Mandac Dios mandashcata can pactachichun Diosllatac yuyaita cushpa, alli yachacta ruhuachun.

1 CRÓNICAS 23:4

Caicunamantaca, Ishcai chunga chuscu huaranga runacunaca Mandac Diospac huasi ruhuanata pushaccunami carca. Sucta huaranga runacunaca mandaccuna, shinallatac juezcunami carca.

ESDRAS 10:4

Jatari, canmi caita ruhuana cangui. Ñucanchicca canhuanmi cashun. Shina cashcamanta sinchiyai, caitaca utca ruhuailla» nirca.

ESDRAS 6:6

«Cunanca, jatun yacu chimba lado llactamanta mandac Tatnaipish, Setar-boznaipish, jatun yacu chimba ladollamantatac cac mandaccunapac huauquicunapish Jerusalenmanta anchurichic.

ESDRAS 7:10

Esdrasca Mandac Dios mandashcata allita yachacushpa, cazushpa imata ruhuachun mandashcata pactachichun cushca shimicunata, Israel llactapi yachachinatami tucui shunguhuan munarca.

ESDRAS 7:14

Cambac Dios mandashca shinallatac Judá llactapi, Jerusalenpi causaccunata ricugrichunmi ñucapish, ñucata canchis cunaccunapish mandanchic.

NEHEMÍAS 9:3

Chaipi shayarishpami, quimsa horascaman paicunata Mandac Dios mandashpa quillcachishcata rezashpa, cutin shuc quimsa horastaca paicunapac juchata huillashpa paicunata Mandac Diosta alli nircacuna.

SALMOS 19:7

Mandac Dios mandashcacunaca cashcata ruhuac cashpami almatapish mushucyachin. Mandac Dios yachachishca shimicunaca imatapish pactachic cashpami, yanga runacunatapish allita yachachin.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

SAN MATEO 13:52

Chashna nicpimi Jesusca: —Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cashcamantami Jesusca llaquirishpa, paicunaman tucuita yachachi callarirca.

DEUTERONOMIO 16:18

Mandac Dios cancunaman cugricuc llactacunapica cashcata ruhuashpa mandachun juezcunatapish, shuctac mandaccunatapish churanguichic.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.