ESDRAS 6:6 - Dios Rimashcata Quillcashcami

⁶ «Cunanca, jatun yacu chimba lado llactamanta mandac Tatnaipish, Setar-boznaipish, jatun yacu chimba ladollamantatac cac mandaccunapac huauquicunapish Jerusalenmanta anchurichic.

ESDRAS 6:6 Iomraidhean Croise

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 43:14

Imatapish ruhuaclla Diosllatac chai mandacpac ñaupapi cancunata llaquishpa huacaichichun. Caishuc huauquitapish, Benjamintapish cacharichun, ashtahuanpish ñuca churicuna illaclla saquirina cacpica, saquirishachari— nirca.

ESDRAS 4:9

Chai punzhapica mandac Rehumhuan, quillcac Simsaihuan, paicunapac maijan huauqui juezcunahuan, caishuc mandaccunahuan, quipa mandaccunahuanmi quillcarca. Shinallatac Persia llactamanta, Erec pueblomanta, Babilonia llactamanta, Susa pueblomanta shamushca elamita gentecunahuanpish quillcarcami.

ESDRAS 5:3

Chai punzhacunami jatun yacu chimba lado llactacunata mandac Tatnaica Setar-boznaihuan, caishuc huauquicunahuan Jerusalenman shamushpaca: «¿Pitac cai huasita shayachichun, muyundi pircata ruhuachunca mandarcayari?» nishpa tapurca.

ESDRAS 5:6

Tatnaipish, jatun yacu chimba lado llactata mandacpish, Setar-boznaipish, jatun yacu chimba lado llactata mandaccunapac huauquicunapish jatun mandac Dariomanmi quillcata cacharcacuna.

ESDRAS 6:13

Chaimantami jatun yacu chimba lado llactata mandac Tatnaipish, Setar-boznaipish, paicunapac huauquicunapish, jatun mandac Darío mandashcata mana cungarishpa tucuita ruhuarca.

ESDRAS 6:7

Diospac huasita shayachinata ama jarcaichicchu. Judá llactapi causaccunata mandacpish, mandac curacunapish Diospac huasita utcapi shayachishcallapitac shayachichun saquichiclla.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?