ESDRAS 6:5 - Dios Rimashcata Quillcashcami

⁵ Shinallatac Jerusalenpi causac Diospac huasimanta Babilonia llactaman Nabuconodosor apashca curimanta, cullquimanta ruhuashca imalla tiyashcacunatapish apanguichic. Chaicunataca Jerusalenpi causac Diospac huasiman apashpa, chai churana pushtullapitac churanguichic» nishpa quillcashcami carca.

ESDRAS 6:5 Iomraidhean Croise

2 REYES 24:13

Chai quipami Nabucodonosorca Mandac Diospac huasipi, mandana huasipi tucui alli huacaichishcacunata llucchirca. Chai curimanta ruhuashca charinacunataca tucuimi ñutuchirca. Chai charinacunataca Israel llactata jatun mandac Salomonmi Mandac Dios nishca shinallatac Mandac Diospac huasipi charingapac ruhuachishca carca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

2 CRÓNICAS 36:18

Shinallatac Mandac Diospac huasipi tucui ima tiyashcacunataca uchillacunatapish, jatuncunatapish, chaipi sumac tiyashcatapish aparcami. Shinallatac jatun mandacpac huasipi, caishuc mandaccunapac huasipi ima sumac charishcacunatapish tucuimi Babiloniaman aparca.

ESDRAS 5:14

Shinallatac Jerusalenpi cac Diospac huasimanta jatun mandac Nabuconodosor apashca curimanta, cullquimanta ruhuashca ima charishcacunatapish Babilonia llacta dioscunapac huasimantami jatun mandac Ciroca llucchishpa, Sesbasarman cushpa cacharca. Paitaca mandac cachunmi churashca carca.

JEREMÍAS 27:16

Curacunamanpish, tucui gentecunamanpish huillashpaca: «Mandac Diosca: Chai huillaccunataca ama uyanguichicchu. Paicunaca: “Diospac huasipi ima charishcacunataca ñami Babilonia llactamanta cutichimunga” nishpami, llullashpa huillan.

JEREMÍAS 52:19

Cuidac soldadocunata mandacca inciensota rupachinacunatapish, lavacaracunatapish, vasocunatapish, uchilla mangacunatapish, candelerocunatapish, uchilla platocunatapish, uchilla lavacaracunatapish aparcami. Curi vasocunatapish, cullqui vasocunatapish tucuitami aparca.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 5:2

Belsasar vinota mishquillirishpa ubiacushpami, paipac taita Nabucodonosor Jerusalenpi tiyac Diospac huasiman apamushca curi, cullqui vasocunata apamuchun cacharca. Chai vasocunapi pai ubiangapac, shinallatac pai churashca mandaccunapish, paipac caishuc huarmicunapish vinota ubiachunmi apachun cacharca.