ESDRAS 6:16 - Dios Rimashcata Quillcashcami

¹⁶ Chashna tucuricpica, chai huasita Diosman cushpami israelcunapish, curacunapish, levitacunapish, prezu apashcamanta caishuc cutimushcacunapish yallita cushicurca.

ESDRAS 6:16 Iomraidhean Croise

1 REYES 8:62

Chai quipami jatun mandacpish, paihuan cac tandanacushca tucui israelcunapish Mandac Diospac ñaupapi animalcunata cushpa huañuchirca.

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.

1 CRÓNICAS 15:28

Chashnami Davidca Mandac Dios ari nishca quillcata huacaichina Arcataca tucui israelcunahuan yallita cushicushpa, cantashpa, bocinacunapi, trompetacunapi, platillocunapi salteriocunapi, sinchita tocashpa aparcacuna.

1 CRÓNICAS 9:2

Paicunapac allpacunapi, pueblocunapi causangapac punta cutimuc israelcunaca curacuna, levitacuna, Diospac huasipi servishpa causaccunami carca.

2 CRÓNICAS 29:30

Chaimantami jatun mandac Ezequiaspish, shuctac mandaccunapish levitacunataca David quillcashca shimicunahuanpish, Dios ima nishcata huillac Asaf quillcashca shimicunahuanpish Mandac Diostaca allimari cangui nichun mandarca. Shina nicpimi, paicunaca yallita cushicushpa cungurishpa Diosta alli nircacuna.

2 CRÓNICAS 30:23

Chaipi cac tandanacushca gentecunaca yapachishpami cutin canchis punzhata fiestata ruhuanata yuyarircacuna. Shina yuyarishpami, canchis punzhata cushicurca.

2 CRÓNICAS 30:26

Chashnami Jerusalenpica yallita cushicurcacuna. Israel llactata jatun mandac Davidpac churi Salomón mandacui punzhamanta pachami Jerusalenpica chashna fiestaca mana tiyarca.

2 CRÓNICAS 7:5

Jatun mandacca ishcai chunga ishcai huaranga huagracunata, patsac ishcai chunga huaranga ovejacunatami Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac cushpa mingarcacuna.

ESDRAS 4:1

Prezumanta cutimushca israelcuna Mandac Diospac huasita shayachicushcata Judapac, Benjaminpac aillucunata piñaccuna yachac chayashpami,

ESDRAS 6:22

Levadura illac tandata micuna jatun fiestataca canchis punzhatami yallita cushicushpa ruhuarcacuna. Mandac Dios paicunata cushichishcamanta, Asiria llactata jatun mandacta, Diosllatac yuyaita cushpa israelcunapac Diospac huasita ruhuanata mana jarcashcamantami chashna cushicurca.

NEHEMÍAS 12:27

Jerusalén muyundi pircata Diosman mingangapacca tucui levitacunatami maimantapish Jerusalenman pushamurca. Paicunataca platillopi, salteriopi, citarrapi Diosta alli nishpa cantashpa Diosman mingangapacmi pushamurca.

NEHEMÍAS 12:43

Chai punzhaca Diosllata cushichicpimi, achca animalcunata Diosman cushpa huañuchishpa, yallita cushicurcacuna. Chaipica huarmicunapish, huahuacunapish yallitami cushicurca. Jerusalenpi chashna yallita cushicushcaca carucamanmi uyaricurca.

NEHEMÍAS 7:73

Curacuna, levitacuna, Diospac huasipi serviccuna, cantaccuna, shinallatac tucui israelcunaca paicunapac pueblollapitacmi causagrirca» nishpa quillcashcami tiyacurca. Ña canchisniqui quilla tucucpica tucui israelcunami paicunapac pueblocunapi carca.

NEHEMÍAS 8:10

Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.

SALMOS 122:1

Ñucaca: «Diospac huasiman jacuchic» niccunahuanmi cushicurcani.

DANIEL 5:13

Shina nicpimi, Danieltaca jatun mandacpac ñaupaman pushamurca. Chashna pushamucpimi, jatun mandacca Danieltaca: —¿Canchu ñuca taita jatun mandac Judá llactamanta prezu apamushca Daniel cangui?

SAN JUAN 10:22

Chai punzhacunaca Jerusalenpica Diosta mañana huasita mingana fiestami carca. Chai punzhacunaca tamya punzhacunami carca.

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

FILIPENSES 4:4

¡Cancunaca Apunchic Jesus-huan shuclla cashcamanta cushicuichic! ¡Cutinpish cushicuichic! ninimi.