ESDRAS 4:4 - Dios Rimashcata Quillcashcami

⁴ Shina nicpimi, chai llacta cuchullapi causaccunaca Diospac huasita ama ruhuachun, Judá llactapi causaccunataca imacunata nishpa manchachirca.

ESDRAS 4:4 Iomraidhean Croise

2 SAMUEL 4:1

Saulpac churi Is-bosetca Hebrón pueblopi Abner huañushcata yachashpaca fuerza illac shinami saquirirca. Shinallatac tucui israelcunami manchaihuan carcacuna.

ESDRAS 3:3

Chai llactapi causaccunata manchashpami, chai altartaca utcapi cashcallapitac shayachirca. Chai altarpimi animalcunata Diosman cushpa tutamantapish, chishipish tucui rupachirca.

ESDRAS 4:5

Chashna ruhuashca jahuapish huasita tucuchingapac yuyarishcata saquichunmi yuyaita cushpa ayudaccunaman pacalla cullquita curca. Chashnami Persia llactata jatun mandac Ciro mandacui tucui huatacunapi Persia llactata jatun mandac Darío mandai callaringacaman chashna ruhuarca.

NEHEMÍAS 4:11

Cutin ñucanchicta piñaccunaca: «Paicuna ama pircata ruhuashpa catichunca, pacalla paicunapac chaupiman yaicushpa, huañuchishun» nircacuna.

NEHEMÍAS 4:2

Chashna burlashpami, paipac ricsishcacunapac, shinallatac Samaria llacta soldadocunapac ñaupapi rimarishpaca: —Judá llactapi causac mana vali gentecunaca, ¿imatatac ruhuacuncuna? ¿Diosman animalcunata cushpa rupachichun saquingami yuyancunachari? ¿Chai jatun pircataca shuc punzhallapichu tucuchinga? ¿Rupachishpa montonashca rumicunahuanchu pircataca cutin allichingacuna?— nirca.

NEHEMÍAS 6:9

Tucui paicunami ñucanchicta manchachingapacca: «Chai jatun pircata ruhuacushpapish paicunapac maqui shaicucpica, mana tucuchingacunachu» nircacuna. Chaimantami ñucaca: «¡Dioslla, ñuca maquita sinchiyachiyari!» nishpa mañarcani.

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

DANIEL 10:13

Ashtahuanpish Persia llactata jatun mandacmi ishcai chunga shuc punzhata jarcarca. Chaimantami angelcunata mandac ángel Miguel ayudangapac shamurca. Chashna ayudacpimi, Persia llactata mandaccunahuan saquirircani.

DANIEL 10:20

Shina nicpimi paica: “¿Imapac cambacman shamushcata yachanguichu? Cunanca Persia llactata mandaccunahuan macanacungapac cutinami cani. Paita mishashca quipaca, Grecia llactata mandacmi macanacungapac shamunga.