ESDRAS 4:22 - Dios Rimashcata Quillcashcami

²² Chaita jarcanataca pacta cungaringuichicman. ¿Ima nishpatac jatun mandaccunataca llaquichishpa catingacunayari?» nishpami quillcashpa cacharca.

ESDRAS 4:22 Iomraidhean Croise

ESDRAS 4:13

Shinallatac can jatun mandacmanca caitapish huillanchicmi: Cai pueblota cutin allichishpa, muyundi pircacunatapish cutin shayachishpaca, tributotapish, impuestotapish, ima shucta cuna cashcatapish mana ashtahuan cungacunachu. Shina mana cucpica, jatun mandacpac huasipica cullquica illai callaringami.

ESDRAS 4:21

Cunanca, ñuca quipata yuyarishpa mandangacaman chai pueblota allichinata shinallatac chai runacuna imata ruhuanata saquichun mandaichic.

ESDRAS 4:23

Jatun mandac Artajerjes cachashca quillcataca Rehumpac, quillcac Simsaipac, paicunapac huauquicunapac ñaupapimi rezarca. Chaita uyashpami, paicunaca Jerusalenpi causac Judá llactamanta runacuna huasichicushcaman rishpa, sinchita llaquichishpa jarcarca.

DANIEL 6:2

Cutin paicunata mandachunca, quimsa mandaccunatami churarca. Chaica pai ama yallita llaquita apangapacmi, chai quimsa mandaccunamanmi imatapish tapuc carca. Chai quimsa mandaccunapurapica shucca Danielmi carca.

DANIEL 6:3

Shina cacpipish, Danielca tucui chai mandaccunata, prefectocunatapish yalli ashtahuan yuyaisapami carca. Chaimantami jatun mandacca pai mandana tucui llactacunata mandachun churanata yuyarirca.