ESDRAS 4:13 - Dios Rimashcata Quillcashcami

¹³ Shinallatac can jatun mandacmanca caitapish huillanchicmi: Cai pueblota cutin allichishpa, muyundi pircacunatapish cutin shayachishpaca, tributotapish, impuestotapish, ima shucta cuna cashcatapish mana ashtahuan cungacunachu. Shina mana cucpica, jatun mandacpac huasipica cullquica illai callaringami.

ESDRAS 4:13 Iomraidhean Croise

ESDRAS 4:14

Ñucanchicca jatun mandacpac huasimantami micushpa causacunchic. Chaimantami can jatun mandacta yangapi churachunca mana munanchic. Chashna cashcamantami can jatun mandac yachachun caita cachanchic.

ESDRAS 4:20

Jerusalenpi sinchi jatun mandac tiyashcata, chai mandac jatun yacu chimba ladopi tiyac tucui llactacunata manchachic cashcata tarishca. Chai llactapi causaccunaca tributotapish, impuestotapish, imamanta cuna cashcatapish cushpa causashcatami tarishca.

ESDRAS 7:24

Caitapish yachanami canguichic: Curacunata, levitacunata, mandaccunata, cantaccunata, pungupi cuidaccunata, Diospac huasipi serviccunata, chaipi imata ruhuaccunataca tributota, impuestota, imamanta cunacunatapish, ama mañanguichicchu.

NEHEMÍAS 5:4

Cutin maijancunaca: «Ñucanchicca jatun mandacman impuestota pagangapacmi allpacunata, uvas chagracunata prendapi churashpa cullquita mañarcanchic.

SALMOS 119:69

Jatun tucushca gentecunaca ñucata yangami juchanchircacuna. Shina ruhuacpipish, tucui shunguhuanmi can mandashcacunata cazusha.

SALMOS 52:2

Cambac calluca punzhantami llaquichin. Llullangapacca navaja mulashca shinami.

SAN MATEO 17:25

Shina nicpimi Pedroca: —Ari, paganllami— nirca. Pedro huasiman chayacpi, Jesús tapushpaca: —¿Simón imatatac yuyangui? Cai pacha jatun mandaccunaca, ¿paicunapac llactacunamantachu, mana cashpaca, shuctac llactacunamantachu impuestotaca chasquincuna?— nirca.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.