ESDRAS 4:12 - Dios Rimashcata Quillcashcami

¹² can jatun mandac yachachun caita huillanchic: Judá llactapi causaccuna cambac llactamanta huichai shamushpa, Jerusalenman chayashpami mana cazuc, mana alli gentecuna causashca pueblocunata cutin allichicun. Cai pueblo muyundi pircacunatapish, allichishpami callari rumicunatapish churacuncuna.

ESDRAS 4:12 Iomraidhean Croise

2 REYES 18:20

Canca macanacungapac alli yuyaiyuc alli sinchimi cani ninguimi. Canca shimillami cangui. ¿Ima nishpatac mana cazushpa, ñucahuan macanacungapac shayaringui?

2 REYES 24:1

Joacim mandacui punzhacunami Babilonia llactata jatun mandac Nabucodonosorca macanacungapac shamurca. Macanacushpa aticpimi, Joacimca quimsa huatata Nabucodonosorta servishpa causarca. Chai quipaca mana paita cazushpami, cariyarca.

2 CRÓNICAS 36:13

Shinallatac jatun mandac Nabucodonosortapish mana cazurcachu. Nabucodonosorca paihuan shuc shinalla cachunmi, Diospac shutipi ari nishca carca. Chashna ari nishca jahuami sinchi shungu tucushpa, mana pactachishpa, israelcunata Mandac Diospacman cutirinatapish mana munarca.

ESDRAS 4:11

Cai quillcapica: «Jatun mandac Artajerjes, jatun yacu chimba ladopi causaccunami

ESDRAS 4:15

Shinallatac ñaupa taitacuna ima ruhuashcata quillcashcapi mashcachunpish huillanchic. Chai quillcashcapi mashcashpami, chai pueblopi causaccuna mana cazushcatapish, jatun mandaccunamantapish yachangui. Shinallatac llactacunatapish llaquichishpa causashcatapish, chai pueblopi causaccuna ñaupa huatacunamanta pacha mana cazuccuna cashcatapish, chaimanta chai pueblo tucurishcatapish yachangui.

ESDRAS 4:19

Shinallatac ñuca mandacpimi, mashcashpa chai pueblopi causaccunaca ñaupa huatacunamanta pacha jatun mandacta mana cazuc cashcata, tandanacushpa jatun mandacpac contra shayarishcata,

ESDRAS 5:3

Chai punzhacunami jatun yacu chimba lado llactacunata mandac Tatnaica Setar-boznaihuan, caishuc huauquicunahuan Jerusalenman shamushpaca: «¿Pitac cai huasita shayachichun, muyundi pircata ruhuachunca mandarcayari?» nishpa tapurca.

ESDRAS 5:9

Chaimantami mandaccunataca: “¿Cancunataca pitac cai huasita shayachichun, muyundi pircacunata allichichunca mandarca?” nishpami tapurcanchic.

NEHEMÍAS 1:3

Paicunaca: «Prezu apacucpi miticushpa, chai llactallapitac saquirishca runacunaca llaquitami pingaihuan cancuna. Jerusalén muyundi pircaca urmachishcami, pueblo pungucunapish rupashcami» nircacuna.

NEHEMÍAS 6:6

Chai quillcapica: «Gentecunapurapica, canpish, Judá llactapi causaccunapish jatun mandacta mana cazushpami chai jatun pircata allichicun, nictami uyanchic. Gesempish chashnallatacmi nicun. Chaicunata uyashpaca can jatun mandac tucusha nicushcatami yachanchic.

ESTER 3:8

Chaimantami Amanca jatun mandac Asuerotaca: —Can mandacuc tucui llactacunapi causaccunapurapimi cacpi, chaipi chican chican causac gentecuna tiyan. Shinallatac paicunapac mandashcacunapish shuctac llactacunahuan ricucpica, chicanmi. Jatun mandac mandashcacunatapish mana cazuncunachu. Can jatun mandac paicunata causachun saquishpaca ima allita mana ruhuanguichu.

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

DANIEL 3:8

Chai punzhallatacmi adivinocunapuramanta maijan jatun mandacpacman shamushpa, Judá gentecunapac contra huillarca.

DANIEL 9:25

Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.

SAN LUCAS 13:34

¡Aij, Jerusalenpi causaccunalla! Dios ima nishcata huillaccunataca huañuchiccunami canguichic. Dios huillachun cachashcacunatapish rumihuan shitaccunami canguichic. Cancunataca tauca cutinmi mama huallpa huahuacunata ucllac shina, tandachisha nircani. Chashna tandachisha nicucpipish, mana uyarcanguichicchu.

HECHOS 24:5

Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi.

1 TESALONICENSES 5:22

Tucui mana allimanta huacaichirichic.