ESDRAS 3:9 - Dios Rimashcata Quillcashcami

⁹ Chashnallatac Jesuapish, paipac churicunapish, paipac huauquicunapish, Cadmielpish, paipac churicunapish, Judapac huahua huahuacunapish, shinallatac Henadadpish, paipac churicunapish, paipac huauqui levitacunapish tandarishpami shuc shinalla tucushpa Diospac huasi shayachinata pushai callarircacuna.

ESDRAS 3:9 Iomraidhean Croise

1 CRÓNICAS 23:4

Caicunamantaca, Ishcai chunga chuscu huaranga runacunaca Mandac Diospac huasi ruhuanata pushaccunami carca. Sucta huaranga runacunaca mandaccuna, shinallatac juezcunami carca.

2 CRÓNICAS 34:12

Chai runacunami Diospac huasitaca allita ruhuarcacuna. Paicunata ricuccunaca levitapuramanta, Meraripac huahua huahuapuramanta Jahat, Abdías, shinallatac Cohatpac huahua huahuapuramanta Zacarías, Mesulammi carca. Tucui levitacunaca tocanata allita yachaccunami carca.

ESDRAS 2:40

Levipac aillumanta, Carmelpac, Jesuapac huahua huahuacunamantaca canchis chunga chuscumi cutimurca. Paicunaca Hodoviaspac huasi ucupurami carca.

ESDRAS 3:8

Jerusalenpi causac Diospac huasiman cutimushca ishcai huata callari ishcai quilla tucucpimi, Salatielpac churi Zorobabelpish, Josadacpac churi Jesuapish, caishuc huauquicunapish, curacunapish, levitacunapish, tucui prezu cashcamanta Jerusalenman cutimushcacunapish Mandac Diospac huasita shayachi callarircacuna. Diospac huasita shayachiccunata pushachunca ishcai chunga huata yallita charic levitacunatami churarca.

NEHEMÍAS 3:24

Paipac ladopica Henadadpac churi Binuimi Azariaspac huasi ladomanta jatun pirca tucuri esquinacaman allichirca.

NEHEMÍAS 7:43

Levitacunaca: Hodaviaspac churicuna Jesuapac, Cadmielpac huahua huahuacunaca canchis chunga chuscumi carca.