ESDRAS 3:6 - Dios Rimashcata Quillcashcami

⁶ Canchis quilla callari punzhallatacmi Mandac Diospac huasita ruhuangapac callari rumicunata manarac churacpipish, Mandac Diosman animalcunata cushpa tucui rupachi callarircacuna.

ESDRAS 3:6 Iomraidhean Croise

ESDRAS 3:5

Chai quipaca punzhantami animalta Diosman cushpa Llullu quilla punzhacunapi, Mandac Diosta yuyarina fiesta punzhacunapi Diosman cushpa tucui rupachirca. Quiquin munaihuan animalcunata Diosman cushpapish rupachircami.

ESDRAS 3:7

Huasita ruhuaccunamanpish, carpinterocunamanpish cullquita curcacunami. Shinallatac Sidón, Tiro pueblocunapi causaccunamanpish Persia llactata jatun mandac Ciro munashca shinallatacmi Líbano urcumanta cedro caspicunata mama cuchata huambuchishpa, Jope puebloman apamuchun micunata, ubianata, aceiteta curcacuna.

LEVÍTICO 23:24

«Israelcunataca: “Canchis quilla callari samana punta punzhapica ñucapaclla chicanyachishca tandanacuita ruhuanguichic. Chai punzhapica trompetapi tocashpa, ñucata yuyaringuichic.

LEVÍTICO 23:25

Chai punzhapica ima trabajota ama ruhuanguichicchu. Mandac Dios ñucaman ofrendata rupachinguichic” ninimi ningui» nirca.

NÚMEROS 29:1

Canchisniqui quilla, callari punzhapica ñucapaclla tandanacuita ruhuashpa, ama ima trabajota ruhuanguichicchu. Chai punzhaca trompetapi sinchita tocana punzhami canga.

NÚMEROS 29:2

Mandac Dios ñucaman mishquilla ashnachunca ima mana tucushca shuc becita, shuc cari ovejata, shuc huatayuc canchis cari ovejata tucui rupachinguichic.