ESDRAS 10:1 - Dios Rimashcata Quillcashcami

¹ Esdras Diospac huasi ñaupapi cungurishpa huacashpa, juchacunata huillashpa mañacucpimi, achca israelcuna caricunapish, huarmicunapish, huahuacunapish Esdraspacman cuchuyamurca. Chaipica achca gentecunami yallita huacacurca.

ESDRAS 10:1 Iomraidhean Croise

1 REYES 8:30

Canta servic ñucapish, can acllashca israelcunapish cai huasipi mañashcataca uyanguiyari. Can causana jahua pachamanta uyashpa juchacunatapish perdonanguiyari.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

2 CRÓNICAS 20:13

Tucui Judá llactapi causaccunami uchilla huahuacunandi, huarmicunandi, churicunandi Mandac Diospac ñaupapi shayacurca.

2 CRÓNICAS 20:9

“Ñucanchicman ima llaqui shamucpi, mana cashpaca espadahuan llaquichingapac shamucpi, ima ungüi japicpi, yarcai japicpica, cambac shuti cai huasipi causacushcamantami cambac ñaupaman shamushpa, cai huasipi canta mañashun. Shina sinchita mañacpica, ñucanchic mañashcata uyashpami, jatun llaquimanta llucchishpa, ayudangui” nircami.

ESDRAS 10:6

Chai quipami, Esdrasca Diospac huasi ñaupamanta Eliasib curapac churi Johanán curapac ucuman yaicurca. Chaiman yaicushpapish prezumanta cutimushcacuna juchata ruhuashcamantami mana micushpa, yacuta mana ubiashpa yallita llaquirishpa tiyacurca.

NEHEMÍAS 1:4

Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

NEHEMÍAS 1:6

Cunanca, canta servic israelcunamanta canta servic ñuca cambac ñaupapi tutapish, punzhapish mañashcata cambac ringrihuan uyaiyari. Cambac ñahuihuanpish ricuiyari. Canta servic ñucanchic israelcuna juchata ruhuashpa, canta piñachishcatami huillani. Ari, ñucapish, ñuca taitapac huasi ucupurapish juchata ruhuashcanchicmi.

NEHEMÍAS 10:28

Maijan gentecuna, curacuna, levitacuna, Diospac huasi pungupi cuidaccuna, cantaccuna, Diospac huasipi serviccuna shinallatac Dios mandashcata pactachingapac shuc llactapi causac gentecunamanta chicanyarishcacunapish, paicunapac huarmicunandi, ña yuyaita charic churicunandi, ushicunandimi tandanacurca.

NEHEMÍAS 8:9

Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

SALMOS 119:136

Shuctac gentecuna can mandashcacunata mana cazucpica, huiqui yacu shina callpactami huacani.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

DANIEL 9:20

Ñucaca, ñucata Mandac Diospac ñaupapi ñuca juchacunata, israelcunapac juchacunata huillashpa, Diospaclla urcumanta mañacurcanimi.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

SAN LUCAS 19:41

Jesús Jerusalenman chayagrishpa, chai pueblota ricushpaca:

HECHOS 10:30

Shina nicpimi Cornelioca: —Ñami chuscu punzha tucun. Chaica, cunan shina chishimi, cai ñuca huasipi ayunashpa, Diosta mañacurcani. Chaipimi jagan nicuc churanata churashca runa ñapish ricurirca.

HECHOS 21:5

Chaimanta ñucanchic rigricpimi, tucui criccuna paicunapac huarmicunandi, huahuacunandi chai pueblo llucshinacaman compañarca. Chai yacu patapimi cungurishpa, Diosta mañarcanchic.

ROMANOS 9:2

Ñuca shungupica yallita llaquirishpami punzhanta nanaihuan cani.

DEUTERONOMIO 31:12

Caicunata uyashpa, yachacushpa Mandac Diosta manchachun, mandashcacunata quillcashca libropi tucui nishcacunata cazuchunmi caricunatapish, huarmicunatapish, huahuacunatapish, cancunahuan causac caru llacta runacunatapishmi tucuita tandachina canguichic.

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

JOSUÉ 8:35

Josueca Moisés mandashcataca shuc rimaillatapish mana saquishpami tucui israelcunapac ñaupapi rezarca. Chashnami huarmicunapac, huahuacunapac, caru llactamanta shamushcacunapac ñaupapi rezarca.