ESDRAS 1:8 - Dios Rimashcata Quillcashcami

⁸ Persia llactata jatun mandac Ciroca chai charinacunataca paipac cullquita huacaichic Mitridatestami apachun cacharca. Paica Judá llactata mandac Sesbasarmanmi tucui yupashpa curca.

ESDRAS 1:8 Iomraidhean Croise

ESDRAS 1:11

Tucui curimanta, cullquimanta ruhuashca imalla charinacunaca pichca huaranga chuscu patsacmi carca. Tucui chaicunataca Sesbasarmi Babiloniapi prezu caccunata Jerusalenman apachirca.

ESDRAS 2:2

Zorobabelhuan shamuccunaca: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, shinallatac Baanami shamurca. Chai cutimuc israelcunaca:

ESDRAS 5:14

Shinallatac Jerusalenpi cac Diospac huasimanta jatun mandac Nabuconodosor apashca curimanta, cullquimanta ruhuashca ima charishcacunatapish Babilonia llacta dioscunapac huasimantami jatun mandac Ciroca llucchishpa, Sesbasarman cushpa cacharca. Paitaca mandac cachunmi churashca carca.

ESDRAS 5:16

Shina nicpimi, Sesbasarca Jerusalenpi causac Diospac huasita shayachingapac shamushpa callari rumita churarca. Chaimanta cunancamanmi shayachicunchic. Shina cashpapish manarac tucurinchu” nirca.

ESDRAS 5:2

Shina huillacpimi, Salatielpac churi Zorobabelpish, Josadacpac churi Jesuapish Diospac huasita Jerusalenpi cutin shayachi callarirca. Shinallatac Dios ima nishcata huillaccunapish paicunata ayudarcacunami.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

HAGEO 1:1

Jatun mandac Darío ishcai huata, sucta quilla, shuc punzhata mandacucpimi, Mandac Diosca pai ima nishcata huillac Hageota Salatielpac churi Judá llactata mandac Zorobabelman, Josadacpac churi curacunata mandac Josueman huillachirca. Chashna huillachishpaca:

HAGEO 1:14

Mandac Diosmi Salatielpac churi Judá llactata mandac Zorobabelpac yuyaitapish, Josadacpac churi curacunata mandac Josuepac yuyaitapish, caishuc saquirishca gentecunapac yuyaitapish pascarca. Chaimantami tucuita Mandac Diospac huasitaca allichi callarirca.