EFESIOS 6:8 - Dios Rimashcata Quillcashcami

⁸ Cancunaca amopacta ruhuac cashpa, mana amopacta ruhuac cashpapish, imapish allita ruhuashcamantaca Apunchic Jesusmanta japina cashcataca yachanami canguichic.

Nuevo Testamento en Quichua Cañar 1996

⁸ Cancunaca amopacta ruhuac cashpa, mana amopacta ruhuac cashpapish, imapish allita ruhuashcamantaca Apunchic Jesusmanta japina cashcataca yachanami canguichic.

EFESIOS 6:8 Iomraidhean Croise

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

PROVERBIOS 23:18

Chashna cacpica, shamuc punzhacuna canman allimi canga. Shinallatac can shuyacushcaca mana yangachu canga.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 20:7

Shina nicpica paicunaca: “Pipish mana trabajota cunchu. Chaimantami yangalla caipi tiyacunchic” nirca. Chashna nicpimi amoca: “Cancunapish richic, ñuca chagrapi uvasta pallagrichic” nirca.

SAN MATEO 5:12

Chashna llaquichicpipish, ¡cushicuichiclla! Diosca jahua pachapimi, cancuna japina cashcata yallita cunga. Ñaupa punzhapipish Dios ima nishcata huillaccunataca llaquichircacunami.

SAN MATEO 6:1

Ama gentecuna ricucucllapi allita ruhuaichicchu. Chashna ruhuacpica, jahua pacha Diosca, ima allita mana cungachu.

SAN MATEO 6:4

Can chashna pacalla ayudacpica, pacallata ricuc Diosca, can japina cashcataca cungami.

SAN LUCAS 14:14

Chashna mana cutichipaccunaman carashcamantaca, cushicunguimi. Chaica, cashcata ruhuaccuna causarimui punzhapimi, Diosca canmanca cutichinga— nirca.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

GÁLATAS 3:28

Chaimantami cancunaca Judío cashpapish, griego cashpapish, servic cashpapish, mana servic cashpapish, cari cashpapish, huarmi cashpapish Cristo Jesus-huan shuclla tucushcamantaca, tucui mashnami shuc shinalla canguichic.

COLOSENSES 3:11

Chashna cashcamantami israelcuna cashpa, mana israelcuna cashpa, circuncisionta ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

COLOSENSES 3:24

Cancuna allita ruhuashcamantaca, criccuna japichun Dios huacaichishcata japigrina cashcata yuyaichic. Jesucristo cancunapac Amo cacpimi, cancunaca imata ruhuashpapish, paipacta ruhuacunguichic.

COLOSENSES 3:25

Maijanpish mana allita ruhuacca, pai mana allita ruhuashcamantaca mana allillatatacmi japinga. Diosca pimanpish mana tucushpami taripanga.

HEBREOS 10:35

Cancuna shuyacushcataca, amatac chingachinguichicchu. Chashna causashpami, sumac japinata japinguichic.

HEBREOS 11:26

Egipto llactapi achcata charic canatapish saquishpami, Cristo shinallatac llaquita apanata ashtahuan munarca. Chaica Dios cuna cashcata japina yuyailla cashpami, chaita munarca.