EFESIOS 6:12 - Dios Rimashcata Quillcashcami

¹² Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

Nuevo Testamento en Quichua Cañar 1996

¹² Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

EFESIOS 6:12 Iomraidhean Croise

JOB 2:2

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa, muyushpami shamuni— nirca.

SAN MATEO 16:17

Shina nicpimi Jesusca: —Jonaspac churi Simón cushicui. Caitaca pi mana yachachishcachu, ashtahuanpish jahua pacha ñuca Taitami yachachishca.

MARCOS 4:19

Chashna uyashpapish, cai causaipaclla munaihuan, charicyana munaihuan, charishpapish ashtahuan charina munaihuanmi pandarincuna. Chai munaicunami alli huillaita uyashcataca aguachic shina cungachin. Chaimantami grano mana pucuc shina ricurincuna.

SAN LUCAS 13:24

—Quichqui punguta yaicunata yuyaichic. Taucacuna chaita yaicusha nicushpapish, mana yaicui pudingachu.

SAN LUCAS 22:53

Punzhantami Diosta mañana huasipi cancunahuanca carcani. Chashna cacpipish, mana japircanguichicchu. Cunanca ñucata japina horas chayamucpimi, amsapi mandacuc supai yuyaita cucpi, ñucataca japinguichic— nirca.

SAN JUAN 12:31

Cunanmi cai pachapi causaccunaca taripashca canga. Cunanmi cai pachata mandactapish llucchishpa shitashca canga.

SAN JUAN 14:30

Mana ashtahuan cancunahuan parlacushallachu. Chaica, ñami cai pachata mandac shamucun. Paica ñucata mana ati pudinchu.

SAN JUAN 16:11

Cai pachata mandacta Dios ña juchanchishca cashcamantami, imami taripana cashcataca ricuchinga.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

ROMANOS 8:38

Diospac cuyaimantaca huañuipish, causaipish, angelcunapish, poderyuc espiritucunapish, cunan ima tucushcapish, quipa ima tucunapish mana anchuchinchu.

1 CORINTIOS 15:50

Cuyashca criccuna, caitami nisha nini: Aichayuc, tulluyuc runaca mana Dios mandacucpi yaicungachu. Ismucllaca, huiñaita tiyac llactamanca mana yaicungachu.

2 CORINTIOS 11:14

Caicunata ricushpaca, mana mancharinachu. Satanasllatacmi achic nicuc ángel shina tucunlla.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

GÁLATAS 1:16

mana israelcunamanpish paimanta huillachun paipac Churitaca ñucaman ricsichirca. Shina ricsichicpimi, pimanpish mana tapurcani.

EFESIOS 1:21

Chashna tiyachishpami poderta chariccunatapish, mandaccunatapish, tucuita atishpa mandaccunatapish, shinallatac cunan tucui ima tiyashcacunatapish, shamuc punzhapi ima tiyana cashcatapish tucuita Mandac cashcata ricuchirca.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

COLOSENSES 2:15

Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

2 TIMOTEO 2:5

Chashnallatac maijan pucllacpish, pucllana cashca shina mana pucllashpaca, chai japina cashcataca mana japinchu.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

HEBREOS 12:4

Cancunaca juchata atingapac mana huañushpa, yahuarta jichashcanguichicchu.

1 PEDRO 3:22

Jesucristomi jahua pachaman rishpa, Diospac alli maquiman tiyacun. Paimi angelcunatapish, poderta charic mandac espiritucunatapish mandacun.